சினிமாவில் மாஸ் காட்டி வரும் ஒவ்வொரு ஹீரோ, ஹீரோயினுக்கும் மிகப் பெரிய ரசிகர் பட்டாளம் இருக்கிறது. தன் ரசிகர்களுக்காக தொடர்ந்து நல்ல படங்களை தேர்ந்தெடுத்து ஹீரோஸ் & ஹீரோயின்ஸ் நடித்து வருகிறார்கள். இந்த வாரம் OTT-யில் ரிலீஸாகியுள்ள தமிழ் படங்களின் லிஸ்ட் இதோ…
1.ஹர்காரா :
‘V1 மர்டர் கேஸ்’ படம் மூலம் ஃபேமஸான ராம் அருண் கேஸ்ட்ரோ ஹீரோவாக நடித்து, இயக்கிய படம் ‘ஹர்காரா’. இந்த படம் கடந்த ஆகஸ்ட் 26-ஆம் தேதி திரையரங்குகளில் ரிலீஸானது.
இதில் மிக முக்கிய ரோல்களில் காளி வெங்கட், ‘பிச்சைக்காரன்’ மூர்த்தி, கௌதமி சௌத்ரி, ஜெயப்பிரகாஷ் ஆகியோர் நடித்துள்ளனர். இதற்கு ராம்ஷங்கர் இசையமைத்துள்ளார், பிலிப்.ஆர்.சுந்தர் – லோகேஷ் இளங்கோவன் ஒளிப்பதிவு செய்துள்ளனர், டேனி சார்லஸ் படத்தொகுப்பாளராக பணியாற்றியுள்ளார்.
இந்த படம் பிரபல OTT தளமான ‘ஆஹா’வில் வெளியாகியிருக்கிறது.
2.குஷி :
தெலுங்கு சினிமாவில் டாப் ஹீரோக்களில் ஒருவராக வலம் வருபவர் விஜய் தேவரகொண்டா. இவர் ஹீரோவாக நடித்த ‘குஷி’ திரைப்படம் கடந்த செப்டம்பர் 1-ஆம் தேதி தெலுங்கு மொழி மட்டுமின்றி தமிழ், ஹிந்தி, கன்னடம், மலையாளம் ஆகிய மொழிகளில் திரையரங்குகளில் ரிலீஸானது.
இந்த படத்தை இயக்குநர் சிவ நிர்வனா இயக்கியுள்ளார். இதில் விஜய் தேவரகொண்டாவுக்கு ஜோடியாக சமந்தா நடித்துள்ளார். மேலும், மிக முக்கிய ரோல்களில் ஜெயராம், சச்சின் கெடேகர், முரளி ஷர்மா, லக்ஷ்மி, ரோகினி, வெண்ணிலா கிஷோர், ராகுல் ராமகிருஷ்ணா, ஸ்ரீகாந்த் ஐயங்கார், சரண்யா பிரதீப் ஆகியோர் நடித்துள்ளனர்.
இதனை ‘மைத்ரி மூவி மேக்கர்ஸ்’ என்ற நிறுவனம் தயாரித்துள்ளது. இந்த படம் பிரபல OTT தளமான ‘நெட்ஃப்ளிக்ஸ்’-ல் வெளியாகியிருக்கிறது.
3.Miss.ஷெட்டி Mr.பொலிஷெட்டி :
திரையுலகில் பாப்புலர் ஹீரோயின்களில் ஒருவராக வலம் வருபவர் அனுஷ்கா ஷெட்டி. இவர் நடித்த ‘Miss.ஷெட்டி Mr.பொலிஷெட்டி’ திரைப்படம் கடந்த செப்டம்பர் 7-ஆம் தேதி தமிழ், தெலுங்கு, மலையாளம், கன்னடம் என நான்கு மொழிகளில் திரையரங்குகளில் ரிலீஸானது.
இந்த படத்தை இயக்குநர் பி.மகேஷ் பாபு இயக்கியுள்ளார். இதில் ஹீரோவாக நவீன் பொலிஷெட்டி நடித்துள்ளார். இதனை ‘UV கிரியேஷன்ஸ் – ஸ்டுடியோ கிரீன்’ ஆகிய நிறுவனங்கள் இணைந்து தயாரித்துள்ளது.
இதற்கு ரதன் இசையமைத்துள்ளார், நீரவ் ஷா ஒளிப்பதிவு செய்துள்ளார். இந்த படம் பிரபல OTT தளமான ‘நெட்ஃப்ளிக்ஸ்’-ல் வெளியாகியிருக்கிறது.
4.பாட்னர் :
தமிழ் சினிமாவில் பாப்புலர் ஹீரோக்களில் ஒருவராக வலம் வருபவர் ஆதி. இவர் ஹீரோவாக நடித்த ‘பாட்னர்’ திரைப்படம் கடந்த ஆகஸ்ட் 25-ஆம் தேதி திரையரங்குகளில் ரிலீஸானது.
இந்த படத்தை இயக்குநர் மனோஜ் தாமோதரன் இயக்கியுள்ளார். இதில் ஆதிக்கு ஜோடியாக ஹன்ஷிகா மோத்வானி நடித்துள்ளார். மேலும், மிக முக்கிய ரோல்களில் யோகி பாபு, பல்லக் லால்வாணி, பாண்டியராஜன், ரோபோ ஷங்கர், ஜான் விஜய், ரவி மரியா, டைகர் தங்கதுரை ஆகியோர் நடித்துள்ளனர்.
இதற்கு சந்தோஷ் தயாநிதி இசையமைத்துள்ளார். இந்த படம் பிரபல OTT தளமான ‘சிம்ப்ளி சவுத்’-தில் வெளியாகியிருக்கிறது.
