‘வந்தா ராஜாவா தான் வருவேன்’ படத்துக்கு பிறகு நடிகர் சிம்பு நடிப்பில் உருவாகி வரும் படம் ‘மாநாடு’. பிரபல இயக்குநர் வெங்கட் பிரபு இயக்கும் இந்த படத்தில் ஹீரோயினாக கல்யாணி ப்ரியதர்ஷனும், வில்லன் ரோலில் எஸ்.ஜே.சூர்யாவும் நடிக்கின்றனர்.
பொலிட்டிக்கல் ஆக்ஷன் த்ரில்லர் ஜானர் படமான இதற்கு யுவன் ஷங்கர் ராஜா இசையமைத்து வருகிறார். இந்த ஆண்டு (2020) பிப்ரவரி 19-ஆம் தேதி துவங்கப்பட்ட இதன் ஷூட்டிங் பரபரப்பாக நடைபெற்று வந்தது. பின், ‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது.
தற்போது, நடிகர் சிம்புவின் ரசிகர்களுக்காக ஒரு ஹேப்பி நியூஸ் வெளியாகியுள்ளது. இந்த படத்தின் தயாரிப்பாளர் சுரேஷ் காமாட்சி தனது ட்விட்டர் பக்கத்தில் “பலர் என்னிடம் ‘மாநாடு’ படத்தின் அப்டேட் பற்றி கேட்கிறார்கள். அரசு கொடுக்கப்போகும் கிரீன் சிக்னலுக்காக தான் நம்முடைய மொத்த திரையுலகமே காத்துக் கொண்டிருக்கிறது. பெர்மிஷன் எப்போது வந்தாலும், படப்பிடிப்பை தொடங்க ரெடியாக உள்ளோம்” என்று பதிவிட்டுள்ளார்.
Hi friends, EveryOne r asking abt #Maanaadu updates. As of nw Industry s waiting for Government's Green signal. Once the permission granded immediately, we wl b on floor…stay safe!#SilambarasanTRFans #STRFans
— sureshkamatchi (@sureshkamatchi) July 19, 2020
