சமீபத்தில் இணையதளம் முழுவதும் பரபரப்பாக பேசப்பட்டு வரும் செய்தி வனிதா மற்றும் பீட்டர் பால் திருமணம், அதன் தொடர்பான பிரச்சனைகளும் ஆகும்.
பீட்டர் பாலின் முதல் மனைவி ஹெலன் தங்களுக்கு இன்னும் விவாகரத்து ஆகவில்லை என்ற செய்தியை வெளியிட்டது முதலே பலரும் வனிதாவை விமர்சித்து பதிவுகளை வெளியிட்டு வந்தார்கள். இதற்கு தக்க பதிலடி கொடுத்து வந்த வனிதா, சமீபத்தில் சூர்யா தேவி என்பவர் மீது சைபர் புல்லியிங் கேஸ் ஒன்றையும் கொடுத்தார்.
இதைத்தொடர்ந்து வனிதாவை மீண்டும் லட்சுமிராமகிருஷ்ணன், கஸ்தூரி, தயாரிப்பாளர் ரவீந்தர் ஆகியோர் விமர்சனம் செய்து வந்தார்கள்.இதனால் வனிதா விஜயகுமார் சோஷியல் மீடியாவிலிருந்து விலகியிருக்க முடிவு செய்து, ட்விட்டரிலிருந்து விலகிவிட்டார்.
இவர் ட்விட்டரிலிருந்து விலகிய மறுநாளே மீண்டும் ட்விட்டர் பக்கம் வந்து தான் ஏன் ட்விட்டரிலிருந்து விலகினார் என்று யாருக்கும் தான் பயப்படவில்லை என்றும் கூறியிருந்தார்.இதைத்தொடர்ந்து மீண்டும் அவர் தனக்கு வரும் விமர்சனங்களுக்கு பதிலடி கொடுத்து வந்தார்.
இதைத்தொடர்ந்து தற்போது சோஷியல் மீடியாவில் மிகவும் ஆக்டிவாக இருக்கும் வனிதா விஜயகுமார் சமையல் ரெசிபி பற்றிய வீடியோக்களை தனது யூடியூப் பக்கத்தில் வெளியிட்டு வருகிறார்.
திடீரென வனிதாவின் கணவர் பீட்டர் பாலுக்கு உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ளதாக செய்தி வெளியாகியது. பீட்டர் பாலுக்கு திடீர் நெஞ்சு வலி ஏற்பட்டதால் போரூரில் உள்ள ராமச்சந்திரா மருத்துவமனையில் தீவிர சிகிச்சை பிரிவில் தற்போது அனுமதிக்கப்பட்டு சிகிச்சை எடுத்து வருகிறார் என்று செய்தி வெளியானது.
இதைத்தொடர்ந்து வனிதா சோகமாக நம்பிக்கையுடன் இருப்பதாக ட்விட்டரில் பதிவிட்டிருந்தார். தற்போது பீட்டர்பால் முழுமையாக குணமடைந்து வீடு திரும்பிவிட்டதாகவும் தனக்காக பிரார்த்தனை செய்து கொண்ட அனைவருக்கும் தனது நன்றியை தெரிவித்துக் கொள்வதாகவும், தான் தற்போது முழு உடல் ஆரோக்கியத்துடன் இருப்பதற்கு கடவுளும் வனிதாவும் தான் காரணம் என்றும் அவர்களுக்கு எப்போதும் நன்றிக்கடன் பட்டுள்ளதாகவும் கூறியுள்ளார்.
பீட்டர் பால் இந்த வீடியோவில் கூறியுள்ளதாவது “என் உடல் நலம் குறித்து பல இடங்களில் வதந்தி பரவி வருகிறது, அவை அனைத்தும் உண்மை அல்ல. நான் உடல்நலம் சரியில்லாமல் ராமச்சந்திரா மருத்துவமனையில் அனுமதிக்கப்பட்டு சிகிச்சை எடுத்து வந்தேன். தற்போது முற்றிலுமாக குணமடைந்து வீடு திரும்பிவிட்டேன். எனக்கு ஒரு தாயாக இருந்து வனிதா என்னை கவனித்துக் கொண்டார். கவனிக்க ஆள் இல்லாமல் நான் இருந்த நாட்களை தற்போது எண்ணிப் பார்க்கிறேன். வனிதாவை எனக்கு கொடுத்ததற்கு கடவுளுக்கு நன்றி. எனக்காக பிரார்த்தனை செய்து கொண்ட அனைவருக்கும் என்னுடைய நன்றி” என்று உணர்ச்சி வசமாக அந்த வீடியோவில் பேசியுள்ளார். மேலும் வனிதாவும் தனது ட்விட்டர் பக்கத்தில் பீட்டர்பால் நலமடைந்து வீடு திரும்பியுள்ளதாக பதிவிட்டுள்ளார்.
