நடிகர் விஜயகுமாரின் மகள் வனிதா கடந்த ஜூன் 27ஆம் தேதி பீட்டர் பால் என்னும் இயக்குனரை திருமணம் செய்து கொண்டார். இவர் திருமணம் செய்தவுடன் பீட்டரின் முதல் மனைவி இன்னும் தங்களுக்கு விவாகரத்து ஆகவில்லை என்று போலீசில் அதிரடியாக புகார் அளித்தார்.
வனிதா விஜயகுமாருக்கு இது மூன்றாவது திருமணம் என்பது அனைவருக்குமே தெரிந்த விஷயம். பீட்டர் பால் வனிதா விஜயகுமாரின் திருமணம் இவர்களது இல்லத்தில் கிறிஸ்டின் முறைப்படி நடந்தது.
இவர்கள் திருமணம் செய்து கொள்ளப் போகிறார்கள் என்ற செய்தி இணையதளங்களில் அதற்கு முன்னர் ஒரு மாத காலமாகவே வைரலாக பேசப்பட்டது.
இந்த சூழ்நிலையில் வெளிவராத பீட்டரின் முதல் மனைவி, அவர்கள் திருமணம் முடிந்தவுடன் இதை பற்றி புகார் அளித்துள்ளார்.
இதைப்பற்றி பீட்டரின் முதல் மனைவி எலிசபெத் ஹெலன்” பீட்டருக்கு குடிப்பழக்கம் இருக்கிறது. அதனால் இரண்டு முறை அவரை போதை மீட்பு மையத்தில் சேர்த்திருக்கிறோம். மேலும் இதற்கு முன்னரே இவர் சில பெண்களுடன் தொடர்பில் இருந்து வந்தார். இப்போது சரியான வருமானம் இல்லாததால் வனிதாவை திருமணம் செய்து கொண்டு செட்டிலாக நினைக்கிறார். அவருக்கு இது பத்தோடு பதினொன்று போன்றுதான்” என்று கூறியிருக்கிறார்.
மேலும் அவர்” என் மகனின் படிப்புக்காக தான், நான் அவரை விட்டு விலகி இருந்தேன். இப்போது இந்த விஷயம் தெரிந்ததும் அனைவரும் என்னை கேள்வி கேட்கிறார்கள். ஏன் அவர்கள் விரைவில் திருமணம் செய்து கொள்ள வேண்டும்? பெரிய பெரிய வக்கீல்கள் வைத்து பார்த்துக்கொள்வோம் என்று என்னை இப்போது மிரட்டுகிறார்கள். இப்போது எங்கள் மகள் அப்பா இல்லை என்று வருத்தப்படுகிறாள். எங்களுக்கு உணர்வுகள் இல்லையா?! எனக்கு என் புருஷன் வேண்டும்! என் குழந்தைகளுக்கு அவர்கள் அப்பா வேண்டும்! எங்களுக்கு நீதி கிடைக்க வேண்டும்” இவ்வாறு அவர் கண்ணீர் மல்க பேட்டி அளித்துள்ளார்.
இதைத்தொடர்ந்து வனிதா விஜயகுமார் எந்த பிரச்சினை வந்தாலும் நாங்கள் சட்ட ரீதியாக சந்திப்போம் என்று கூறியுள்ளார்.
