தமிழ் சினிமாவில் பாப்புலர் ஹீரோக்களில் ஒருவராக வலம் வருபவர் விஷ்ணு விஷால். இப்போது, விஷ்ணு விஷால் நடிப்பில் ‘மோகன்தாஸ், FIR, காடன், ஜகஜால கில்லாடி, இன்று நேற்று நாளை 2’ என ஐந்து படங்கள் லைன் அப்பில் இருக்கிறது. இதில் ‘மோகன்தாஸ்’ படத்தை முரளி கார்த்திக் இயக்க, விஷ்ணு விஷாலே தனது ‘விஷ்ணு விஷால் ஸ்டுடியோஸ்’ மூலம் தயாரிக்கிறார்.
கடந்த ஆண்டு (2020) இந்த படத்தின் ஃபர்ஸ்ட் லுக் போஸ்டர் மற்றும் மிரட்டலான டீசர் ரிலீஸ் செய்யப்பட்டது. இந்த ஃபர்ஸ்ட் லுக் போஸ்டர் மற்றும் மிரட்டலான டீசர் படத்தின் மீதான எக்ஸ்பெக்டேஷன் லெவலை எகிற வைத்தது. இதில் விஷ்ணு விஷாலுக்கு ஜோடியாக ஐஸ்வர்யா ராஜேஷ் நடிக்கிறார். தற்போது, த்ரில்லர் ஜானரில் உருவாகும் இந்த படத்தில் முக்கிய ரோலில் நடிக்க மலையாளத்தில் பாப்புலர் நடிகர்களில் ஒருவரான இந்திரஜித் சுகுமாரன் ஒப்பந்தமாகி உள்ளதாக தகவல் கிடைத்துள்ளது.
இந்த தகவலை நடிகர் விஷ்ணு விஷாலே தனது அதிகாரப்பூர்வ ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார். இப்படத்திற்கு சுந்தரமூர்த்தி கே.எஸ் இசையமைத்து வருகிறார், விக்னேஷ் ராஜகோபாலன் ஒளிப்பதிவு செய்கிறார், கிருபாகரன் புருஷோத்தமன் படத்தொகுப்பாளராக பணியாற்றுகிறார்.
Super happy to have the one and only @Indrajith_S onboard #Mohandas 🔨 Your presence will definitely make our film a lot more special sir 🙂@VVStudioz @aishu_dil @im_the_TWIST @24frps @SundaramurthyKS @thanga18 @shravanthis111 @proyuvraaj pic.twitter.com/gX8FzhLgHC
— VISHNU VISHAL – stay home stay safe (@TheVishnuVishal) February 20, 2021
