ஹரி – அருண் விஜய் காம்போவில் உருவாகும் படம்… கமிட்டான பிரபல இசையமைப்பாளர்!

சினிமாவில் பாப்புலர் ஹீரோவாக வலம் வருபவர் அருண் விஜய். இப்போது, அருண் விஜய் நடிப்பில் ‘பாக்ஸர், சினம், வா டீல், அக்னிச் சிறகுகள்’ மற்றும் இயக்குநர்கள் அறிவழகன் – ஹரி படங்கள் என ஆறு படங்கள் லைன் அப்பில் இருக்கிறது. இதில் ஹரி இயக்கும் படத்துக்கான ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம்.

இம்மாதம் (பிப்ரவரி) இதன் படப்பிடிப்பை தொடங்கி, படத்தை ஆகஸ்ட் மாதம் ரிலீஸ் செய்யலாம் என இயக்குநர் ஹரி ப்ளான் போட்டுள்ளார். இப்படத்தினை ‘டிரம்ஸ்டிக்ஸ் புரொடக்ஷன்ஸ்’ நிறுவனம் தயாரிக்க உள்ளது. இந்த படத்தில் அருண் விஜய்-க்கு ஜோடியாக ப்ரியா பவானி ஷங்கர் நடிக்க உள்ளார். மேலும், முக்கிய ரோல்களில் பிரகாஷ் ராஜ், யோகி பாபு, ராமச்சந்திர ராஜு, ராதிகா, ஜெயபாலன், தலைவாசல் விஜய், அம்மு அபிராமி, ராஜேஷ், இமான் அண்ணாச்சி நடிக்க உள்ளனர்.

தற்போது, இப்படத்துக்கு இசையமைக்க ஜி.வி.பிரகாஷ் குமார் ஒப்பந்தமாகி உள்ளதாக தகவல் கிடைத்துள்ளது. இந்த தகவலை அருண் விஜய்யே தனது அதிகாரப்பூர்வ ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார். அருண் விஜய் படத்துக்கு ஜி.வி.பிரகாஷ் குமார் இசையமைப்பது இதுவே முதல் முறையாம்.

Really happy that @gvprakash is on board for #AV33!!🤗
Let’s rock it bro!👍❤#DirectorHARI@DrumsticksProd @priya_Bshankar @iYogibabu @prakashraaj @realradikaa @GarudaRaam @Ammu_Abhirami @0014arun @ertviji @clusters_media @johnsoncinepro @CtcMediaboy pic.twitter.com/JTSLeUVunA

— ArunVijay (@arunvijayno1) February 10, 2021