பிரபல பின்னணி பாடகி ‘ராக்ஸ்டார்’ ரமணியம்மாள் காலமானார்… வருத்தத்தில் திரையுலகினர்!

‘ஜீ தமிழ்’ சேனலில் ஒளிபரப்பான ‘சரிகமப’ நிகழ்ச்சி மூலம் ஃபேமஸானவர் ‘ராக்ஸ்டார்’ ரமணியம்மாள். இவர் தமிழில் பல படங்களில் சூப்பர் ஹிட் பாடல்களை பாடி லைக்ஸ் போட வைத்திருக்கிறார்.

‘காத்தவராயன், ஹரிதாஸ், ஜுங்கா, சண்டக்கோழி 2, நெஞ்சமுண்டு நேர்மையுண்டு ஓடு ராஜா, காப்பான்’ ஆகிய படங்களில் ‘ராக்ஸ்டார்’ ரமணியம்மாள் பாடல்கள் பாடியிருக்கிறார்.

தற்போது, 67 வயதான ‘ராக்ஸ்டார்’ ரமணியம்மாள் வயது மூப்பு காரணமாக இன்று இயற்கை எய்தினார் என்று தகவல் கிடைத்துள்ளது. இவரது மறைவுக்கு திரையுலகினர் பலர் சமூக வலைத்தளங்களில் இரங்கல் தெரிவித்து வருகின்றனர்.