கமல் தொகுத்து வழங்கும் ‘பிக் பாஸ் 4’… வைல்ட் கார்ட் மூலம் என்ட்ரியாகப்போகும் பிரபல தொகுப்பாளினி!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டுள்ளனர்.

‘பிக் பாஸ்’ துவங்குவதற்கு முன்பே பல பிரபலங்களின் பெயர் குறிப்பிட்டபோது, அந்த லிஸ்டில் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனாவின் பெயரும் இருந்தது. ஆனால், ‘பிக் பாஸ்’ ஷோ துவங்கும் நேரத்தில் அர்ச்சனா பணியாற்றி வரும் ‘ஜீ தமிழ்’ சேனல் மூலம் சில சட்டசிக்கல்கள் இருந்ததால், அவர் கலந்து கொள்ள முடியாமல் போனது. தற்போது, இந்த பிரச்சனை ஒரு முடிவுக்கு வந்து விட்டதாகவும், விரைவில் அர்ச்சனா ‘பிக் பாஸ்’ சீசன் 4-யில் வைல்ட் கார்ட் மூலம் நுழைய உள்ளார் என்றும் தகவல் கிடைத்துள்ளது.