முன்னணி நடிகர்களில் ஒருவரான பிரபாஸ் நடிப்பில் ‘ப்ராஜெக்ட் K’, ‘ஆதிபுருஷ்’, ‘சலார்’, ‘ஸ்பிரிட்’ என நான்கு படங்கள் லைன் அப்பில் இருந்தது. இதில் ‘ஆதிபுருஷ்’, நடிகர் பிரபாஸின் கேரியரில் 22-வது படமாம். இப்படம் இன்று (ஜூன் 16-ஆம் தேதி) தெலுங்கு, ஹிந்தி, தமிழ், கன்னடம், மலையாளம் என ஐந்து மொழிகளில் ரிலீஸாகியுள்ளது.
இந்த படத்தை ‘தன்ஹாஜி : தி அன்சங் வாரியர்’ எனும் ஹிந்தி பட புகழ் இயக்குநர் ஓம் ராவத் இயக்கியுள்ளார். இதில் பிரபாஸிற்கு ஜோடியாக பிரபல பாலிவுட் நடிகை க்ரித்தி சனோன் நடித்துள்ளார். மேலும், பவர்ஃபுல்லான வில்லன் ரோலில் பாலிவுட் நடிகர் சயிஃப் அலிகானும், முக்கிய ரோலில் பாலிவுட் நடிகர் சன்னி சிங்கும் நடித்துள்ளார்கள்.
3டி படமான இதனை ‘டி-சீரிஸ்’ மற்றும் ‘ரெட்ரோபைல்ஸ்’ ஆகிய நிறுவனங்கள் இணைந்து மிக பிரம்மாண்டமாக தயாரித்துள்ளது. இன்று காலை இப்படத்தை ஹைதராபாத்தில் உள்ள திரையரங்கில் பார்த்துவிட்டு வெளியே வந்த ரசிகர் ஒருவரிடம் யூடியூப் சேனலில் இருந்து வந்தவர்கள் விமர்சனம் கேட்க, அவர் படம் நன்றாக இல்லை என்று சொல்லியிருக்கிறார். உடனே, அங்கு அருகில் இருந்த பிரபாஸின் ரசிகர்கள் அவரை இழுத்து அடிக்கத் தொடங்கி விட்டனர். இந்த சம்பவம் சர்ச்சையை ஏற்படுத்தியிருக்கிறது.
