பிரபாஸ் நடிப்பில் 4 மொழிகளில் வெளியாகவிருக்கும் அடுத்த திரைப்படம் பிரபாஸ் 20 என்றழைக்கப்பட்ட “ராதே ஷ்யாம்”. இந்தப் படத்தின் ஃபர்ஸ்ட் லுக் தற்போது இணையதளத்தில் வெளியாகி வைரலாகி வருகிறது.
இந்த பர்ஸ்ட் லுக் போஸ்டரை நடிகர் பிரபாஸ் மற்றும் அவருக்கு ஜோடியாக இந்த படத்தில் நடித்திருக்கும் நடிகை பூஜா ஹெட்ஜ் ஆகிய இருவரும் தங்களது சோசியல் மீடியா பக்கங்களில் வெளியிட்டு ரசிகர்களுக்கு ட்ரீட் கொடுத்துள்ளார்கள்.
இந்த படத்தின் போஸ்டரை வெளியிட்ட பிரபாஸ் “என் ரசிகர்களே இது உங்களுக்காக.. உங்களுக்கு இது மிகவும் பிடிக்கும் என்று நம்புகிறேன்” என்று குறிப்பிட்டுள்ளார்.
இந்த படம் ஒரு காதல் கதையை மையமாக கொண்ட படம் என்றும், பிரபாஸ் மற்றும் பூஜா ஹெட்ஜ் உடனான காதல் யூரோப்பில் நடக்கும்படி அமைந்துள்ளதாகவும், பிரபாஸ் அதிர்ஷ்டம் சொல்லும் நபர் கதாபாத்திரத்திலும், பூஜா ஹெட்ஜ் இளவரசி கதாபாத்திரத்திலும் நடித்துள்ளதாகவும் தகவல் வந்துள்ளது.
இந்தப் படத்தை இயக்குனர் கே.கே.ராதாகிருஷ்ணா இயக்கியுள்ளார். யூவி கிரேஷன்ஸ் இந்த படத்தை தயாரித்துள்ளது. இந்தப் படம் தமிழ், தெலுங்கு, மலையாளம் மற்றும் இந்தி ஆகிய 4 மொழிகளில் வெளியிடப்படவுள்ளது. இந்த படத்தின் ஃபர்ஸ்ட் லுக் வெளியான முதலே அவரது ரசிகர்களிடையே இந்த படத்தை பற்றிய எதிர்பார்ப்பு அதிகரித்துள்ளது.
