முன்னணி நடிகர்களில் ஒருவரான பிரபாஸ் நடிப்பில் ‘ராதே ஷ்யாம், அதிபுருஷ்’ மற்றும் இயக்குநர் நாக் அஷ்வின் படம் என மூன்று படங்கள் லைன் அப்பில் இருக்கிறது. இதில் இயக்குநர் ராதா கிருஷ்ண குமார் இயக்கி வரும் ‘ராதே ஷ்யாம்’ படத்தில் பிரபாஸிற்கு ஜோடியாக பூஜா ஹெக்டே நடித்து வருகிறார்.
இந்த படம் நடிகர் பிரபாஸின் கேரியரில் 20-வது படமாம். இதனை ‘UV கிரியேஷன்ஸ்’ நிறுவனம் மிக பிரம்மாண்டமாக தயாரித்து வருகிறது. இப்படம் தெலுங்கு, ஹிந்தி, தமிழ், மலையாளம் என நான்கு மொழிகளில் உருவாகி வருகிறது. இதன் ஷூட்டிங் பரபரப்பாக நடைபெற்று வந்தது.
பின், ‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது, திரையரங்குகளும் மூடப்பட்டது. தற்போது, பிரபாஸ் ஒரு பக்கா ப்ளான் போட்டுள்ளதாக தகவல் கிடைத்துள்ளது. ‘ராதே ஷ்யாம்’ படத்தின் அடுத்த கட்ட ஷெடியூலுக்கான ஷூட்டிங் வருகிற செப்டம்பர் மாதம் ஹைதராபாத்தில் துவங்கத் திட்டமிடப்பட்டுள்ளது. இதற்காக ஹைதராபாத்தில் உள்ள அன்னப்பூர்ணா ஸ்டுடியோஸில் பிரம்மாண்ட செட் போடப்பட்டு வருகிறதாம்.
