‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது, திரையரங்குகளும் மூடப்பட்டது. சமீபத்தில், சில நிபந்தனைகளுடன் திரையரங்குகளை திறக்கவும், ஷூட்டிங் எடுக்கவும் அரசாங்கம் அனுமதி கொடுத்து விட்டது. கடந்த செப்டம்பர் 1-ஆம் தேதி முதல் சில படங்களின் ஷூட்டிங் துவங்கியுள்ளது.
தற்போது, ‘கிளாப்’ என்ற படத்தின் ஃபைனல் ஷெடியூல் ஷூட்டிங் ஆரம்பிக்கப்பட்டுள்ளதாக தகவல் கிடைத்துள்ளது. இந்த ஷெடியூலில் முக்கிய ரோலில் நடிக்கும் பாப்புலர் நடிகர் பிரகாஷ் ராஜும் கலந்து கொண்டாராம். இந்த தகவலை படத்தின் தயாரிப்பு நிறுவனமே ட்விட்டரில் ஸ்டேட்டஸாகத் தட்டி உறுதிபடுத்தியதுடன், படத்தின் ஷூட்டிங் ஸ்பாட் ஸ்டில்ஸையும் வெளியிட்டுள்ளது.
தமிழ், தெலுங்கு என இரண்டு மொழிகளில் தயாராகும் இந்த படத்தில் பிரகாஷ் ராஜ், ஆதியின் அப்பாவாக வலம் வருவாராம். இப்படத்தில் ஹீரோ ஆதி ஒரு தடகள வீரனாக நடிக்கிறார். இந்த படத்தை இயக்குநர் ப்ரித்வி இயக்க, ‘இசைஞானி’ இளையராஜா இசையமைத்து கொண்டிருக்கிறார். ‘பிக் பிரிண்ட் பிக்சர்ஸ்’ நிறுவனம் தயாரிக்கும் இப்படத்தில் ஹீரோயின்களாக கிருஷா குருப் மற்றும் அகன்ஷா சிங் நடிக்கிறார்கள்.
The entire team of #Clap is sparkling with lots of energy and elations. The reason – Ace actor @prakashraaj has joined the sets to shoot his portions. @AadhiOfficial @prithivifilmist @BigPrintKarthik @DoneChannel1 pic.twitter.com/Q7VmC3Tg5y
— Done Channel (@DoneChannel1) November 25, 2020
