தமிழ் சினிமாவில் பிரபல நடிகராக வலம் வருபவர் விஷால். பிரபல தயாரிப்பாளரின் மகனாக இருக்கும் விஷால், திரையுலகில் தனக்கென ஒரு ஃபார்முலாவை பிடித்து ஹிட் படங்களில் நடித்து வருகிறார். விஷாலுக்கு முதல் படம் ‘செல்லமே’. இரண்டாவது படமான ‘சண்டக்கோழி’-யில் சண்டைக் காட்சிகளில் மாஸ் காட்டியிருந்தார் விஷால். லிங்குசாமி இயக்கிய ‘சண்டக்கோழி’ மெகா ஹிட்டானதும், நடிகர் விஷாலுக்கு அடித்தது ஜாக்பாட்.
அடுத்தடுத்து இவரின் கால்ஷீட் டைரியில் ‘திமிரு, தாமிரபரணி, மலைக்கோட்டை, சத்யம், தோரணை, தீராத விளையாட்டுப் பிள்ளை, பாண்டிய நாடு, நான் சிகப்பு மனிதன், பூஜை, கதகளி, துப்பறிவாளன், இரும்புத் திரை, அயோக்யா’ என படங்கள் குவிந்தது. விஷாலின் படங்கள் அனைத்தும் தெலுங்கு மொழியிலும் ரிலீஸாவதால், ஆந்திரா மற்றும் தெலுங்கானா ரசிகர்களிடமும் அப்ளாஸ் வாங்கியிருக்கிறார்.
இப்போது, நடிகர் விஷால் நடிப்பில் ‘சக்ரா, துப்பறிவாளன் 2’ மற்றும் இயக்குநர் ஆனந்த் ஷங்கர் படம் என மூன்று படங்கள் லைன் அப்பில் இருக்கிறது. இந்நிலையில், இன்று (ஆகஸ்ட் 29-ஆம் தேதி) விஷாலின் பிறந்த நாளை முன்னிட்டு அவருக்கு பிரபல நடிகர் பிரசன்னா ட்விட்டரில் வாழ்த்து தெரிவித்துள்ளார். மேலும், விஷாலுடன் இணைந்து நடிக்கும் ‘துப்பறிவாளன் 2’ படத்தின் ஸ்டில்லையும் பிரசன்னா வெளியிட்டுள்ளார். இந்த படத்தை விஷாலே தயாரித்து, இயக்கி வருவது குறிப்பிடத்தக்கது.
Happy birthday to my brother @VishalKOfficial ♥️ pic.twitter.com/viNPPfIQkZ
— Prasanna (@Prasanna_actor) August 29, 2020
