தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். ‘சூப்பர் ஸ்டார்’ ரஜினிகாந்த் போலீஸாக மாஸ் காட்டிய ‘தர்பார்’ படம் கடந்த ஆண்டு (2020) தொடக்கத்தில் வெளியானது. இந்த படத்துக்கு பிறகு ரஜினி, சிவா இயக்கத்தில் ‘அண்ணாத்த’ படத்தில் நடிக்கிறார்.
இப்படத்தை இந்த ஆண்டு (2021) நவம்பர் 4-ஆம் தேதி தீபாவளி ஸ்பெஷலாக ரிலீஸ் செய்ய ப்ளான் போட்டுள்ளனர். இந்நிலையில், ‘நேரம்’ (தமிழ் / மலையாளம்), ‘ப்ரேமம்’ (மலையாளம்) ஆகிய படங்களை இயக்கிய பிரபல இயக்குநர் அல்போன்ஸ் புத்திரனிடம் ரசிகர் ஒருவர் ஃபேஸ்புக்கில் “சார் நீங்க இத படிப்பீங்களான்னு தெரியல, எனக்கு நீங்க ரஜினி சாரை வச்சு ஒரு படம் பண்ணனும்னு ரொம்ப நாள் ஆசை. ரஜினி சாருக்கு நீங்க கதை வச்சுருக்கீங்களா?” என்று கேள்வி கேட்டிருந்தார்.
அதற்கு அல்போன்ஸ் புத்திரன் “ரஜினி சாருக்கு கதை வச்சிருக்கேன். ஆனா, ‘ப்ரேமம்’ முடிஞ்சு நிறையா வாட்டி மீட் பண்ண முயற்சி பண்ணேன். இதுவரைக்கும் மீட் பண்ண முடியல. நான் ரஜினி சாரை வச்சு படம் பண்ணனும்னு ஏன் தலையில எழுதியிருக்குன்னா அது நடந்தே தீரும். நேரம் கரெக்ட் ஆவட்டும். நாம பாதி வேலை செஞ்சுட்டோம்னா மீதி பாதியை கடவுள் பார்த்துப்பாருன்னு ஒரு நம்பிக்கை இருக்கு. கடவுள் கொரோனாவை அழிக்கிறதுல பிஸியா இருக்காருன்னு நினைக்கிறேன். அதுக்கப்புறம் திரும்ப முயற்சி பண்றேன்” என்று பதில் அளித்துள்ளார்.
