தமிழில் முன்னணி நடிகர்களில் ஒருவரான தனுஷ் நடித்து, 2006 ஆம் ஆண்டு வெளிவந்த திரைப்படம் “புதுப்பேட்டை”. இந்த படம் ரசிகர்களிடையே நல்ல வரவேற்பை பெற்றது.
இயக்குனர் செல்வராகவன் இயக்கத்தில் வெளிவந்த இந்த படத்தில் தனுஷ்க்கு ஜோடியாக நடிகை சிநேகா மற்றும் சோனியா அகர்வால் ஆகியோர் நடித்திருந்தார்கள்.
லக்ஷ்மி மூவி மேக்கர்ஸ் தயாரிப்பில் வெளிவந்த இந்த படத்திற்கு யுவன் சங்கர் ராஜா இசையமைத்திருந்தார், அரவிந்த் கிருஷ்ணா ஒளிப்பதிவு செய்திருந்தார்.
அரசியல் சார்ந்த இந்த படத்தில் “கொக்கி குமாரு” என்ற கதாபாத்திரத்தை சுற்றி கதைகளம் அமைந்திருக்கும். நடிகர் தனுஷின் அண்ணன் மற்றும் இயக்குனரான செல்வராகவன் இந்த படத்தின் கதையை எழுதியுள்ளார். எழுத்தாளர் பாலகுமாரன் இந்த படத்திற்கு திரைக்கதை வசனம் எழுதியுள்ளார்.
இந்தப் படத்தில் விஜய்சேதுபதி ஒரு சின்ன கதாபாத்திரத்தில் நடித்திருப்பார் என்பது குறிப்பிடத்தக்கது.
இந்த படத்தின் வெற்றியை தொடர்ந்து இந்த படத்தின் இரண்டாம் பாகம் எப்போது வெளிவரும் என்று ரசிகர்கள் காத்திருந்த நிலையில், சமீபத்தில் ஒரு கல்லூரியின் மேடையில் பேசிய இயக்குனர் செல்வராகவன் புதுப்பேட்டை2 பற்றி தகவலை வெளியிட்டுள்ளார்.
இவர் தனுஷுடன் சேர்ந்து புதுப்பேட்டை 2 படத்திற்கான கதை பற்றி ஆலோசித்து வருவதாகவும் விரைவில் இந்த படத்தின் படப்பிடிப்பு தொடங்கும் என்றும் கூறியிருக்கிறார். இதையடுத்து தனுஷ் ரசிகர்கள் இந்த படத்தை ஆவலோடு எதிர்பார்த்து காத்திருக்கிறார்கள்.
