தனுஷின் ‘திருச்சிற்றம்பலம்’… அசத்தலான அப்டேட் கொடுத்த ராஷி கண்ணா!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இப்போது தனுஷ் நடிப்பில் தமிழில் ‘ராயன், மாறன், ஆயிரத்தில் ஒருவன் 2, திருச்சிற்றம்பலம்’, இயக்குநர்கள் ராம் குமார், வெற்றி மாறன், மாரி செல்வராஜ், பாலாஜி மோகன் படங்கள், சேகர் கம்முலா படம் (தெலுங்கு / தமிழ் / ஹிந்தி), ஹிந்தியில் ‘அட்ராங்கி ரே’ மற்றும் ஹாலிவுட்டில் ‘தி க்ரே மேன்’ என 11 படங்கள் லைன் அப்பில் இருக்கிறது.

இதில் ‘திருச்சிற்றம்பலம்’ படத்தை இயக்குநர் மித்ரன்.ஆர்.ஜவஹர் இயக்கி வருகிறார். இதில் நித்யா மேனன், ராஷி கண்ணா, ப்ரியா பவானி ஷங்கர் என மூன்று ஹீரோயின்ஸ் நடிக்கின்றனர். மேலும், மிக முக்கிய ரோல்களில் ‘இயக்குநர் இமயம்’ பாரதிராஜா மற்றும் பாப்புலர் நடிகர் பிரகாஷ் ராஜ் நடிக்கின்றனர். இந்த படத்துக்கு டாப் இசையமைப்பாளர்களில் ஒருவரான அனிருத் இசையமைத்து வருகிறார்.

இப்படத்தின் ஷூட்டிங் கடந்த ஆகஸ்ட் 5-ஆம் தேதி முதல் ஆரம்பிக்கப்பட்டு ஜெட் ஸ்பீடில் நடைபெற்று வருகிறதாம். இந்நிலையில், இன்று (ஆகஸ்ட் 25-ஆம் தேதி) நடிகை ராஷி கண்ணாவும் இந்த படத்தின் ஷூட்டிங்கில் கலந்து கொண்டதாக தகவல் கிடைத்துள்ளது. இந்த தகவலை நடிகை ராஷி கண்ணாவே ட்விட்டரில் அதிகாரப்பூர்வமாக அறிவித்துள்ளார்.

And we begin shooting for #Thiruchitrambalam ♥️ pic.twitter.com/GcZ6iZ7E0o

— Raashii Khanna (@RaashiiKhanna_) August 25, 2021