சினிமாவில் பாப்புலர் ஹீரோயின்களில் ஒருவராக வலம் வருபவர் ராஷி கண்ணா. ராஷி கண்ணா தனது கேரியரை முதன் முதலில் ஆரம்பித்தது ஹிந்தி திரையுலகில் தான். ஹிந்தியில் முதல் படமாக அமைந்தது ‘மெட்ராஸ் கஃபே’. அதன் பிறகு தெலுங்கில் ‘மனம்’ என்ற படத்தில் கெஸ்ட் ரோலில் வலம் வந்திருந்தார் ராஷி கண்ணா.
‘மனம்’ படத்துக்கு பிறகு ‘ஜோரு, ஜில், ஷிவம், பெங்கால் டைகர், ஹைப்பர், ஆக்ஸிஜன், டச் சேசி சூடு’ என அடுத்தடுத்து சில தெலுங்கு படங்களில் ஹீரோயினாக கலக்கினார். தமிழில் ராஷி கண்ணாவுக்கு முதல் படமே அதர்வாவுக்கு ஜோடியாக அமைந்தது. அது தான் ‘இமைக்கா நொடிகள்’.
இந்த படத்தின் ஹிட்டிற்கு பிறகு நடிகை ராஷி கண்ணாவுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘அடங்க மறு, அயோக்யா, சங்கத்தமிழன், துக்ளக் தர்பார், அரண்மனை 3, திருச்சிற்றம்பலம்’ என தமிழ் படங்கள் குவிந்தது. இப்போது, ராஷி கண்ணா நடிப்பில் தமிழில் ‘சர்தார், மேதாவி, சைத்தான் கா பச்சா’, ஹிந்தியில் ‘யோதா’ என 4 படங்கள் லைன் அப்பில் இருக்கிறது.
ராஷி கண்ணாவின் கேரியரில் மிக முக்கியமான படம் ‘அயோக்யா’. இதில் ஹீரோவாக விஷால் நடிக்க, அறிமுக இயக்குநர் வெங்கட் மோகன் இதனை இயக்கியிருந்தார். மேலும், மிக முக்கிய ரோல்களில் பார்த்திபன், கே.எஸ்.ரவிக்குமார், பூஜா தேவரியா மற்றும் பலர் நடித்திருந்தனர். தற்போது, இப்படத்திற்காக ராஷி கண்ணா ரூ.25 லட்சம் சம்பளம் வாங்கியதாக தகவல் கிடைத்துள்ளது.
