தமிழ் சினிமாவில் பாப்புலர் தயாரிப்பாளர்களில் ஒருவராக வலம் வருபவர் அன்புச்செழியன். இவர் விக்ரம் பிரபுவின் ‘வெள்ளக்கார துரை’, தனுஷின் ‘தங்கமகன்’, விஷாலின் ‘மருது’, ‘மக்கள் செல்வன்’ விஜய் சேதுபதியின் ‘ஆண்டவன் கட்டளை’ ஆகிய படங்களை தனது ‘கோபுரம் பிலிம்ஸ்’ நிறுவனம் சார்பில் தயாரித்துள்ளார்.
இதில் விஜய் சேதுபதியின் ‘ஆண்டவன் கட்டளை’ படம் ரசிகர்களிடம் நல்ல வரவேற்பை பெற்று சூப்பர் ஹிட்டானது. தற்போது, தயாரிப்பாளர் அன்புச்செழியன் மகள் சுஷ்மிதாவின் திருமணம் இன்று (பிப்ரவரி 21-ஆம் தேதி) நடைபெற்றதாக தகவல் கிடைத்துள்ளது. இந்த திருமண விழாவில் டாப் ஹீரோக்களான ‘சூப்பர் ஸ்டார்’ ரஜினிகாந்த் – ‘உலக நாயகன்’ கமல் ஹாசன் உட்பட பல திரையுலக பிரபலங்கள் கலந்து கொண்டனர்.
இப்போது கமல் ஹாசன் ‘விக்ரம்’ படத்தில் நடித்து வருகிறார். இந்த படத்தை இயக்குநர் லோகேஷ் கனகராஜ் இயக்கி வருகிறார். ரஜினியின் 169-வது படத்தை பாப்புலர் இயக்குநர்களில் ஒருவரான நெல்சன் இயக்க உள்ளார். ‘சன் பிக்சர்ஸ்’ நிறுவனம் தயாரிக்கவுள்ள இந்த படத்துக்கு அனிருத் இசையமைக்கவுள்ளாராம். இப்படத்திற்கான ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம்.
