தமிழ் சினிமாவின் சூப்பர் ஸ்டாராக 45 ஆண்டுகளாக சினிமா துறையில் உச்சத்தில் இருப்பவர் நடிகர் ரஜினிகாந்த். இவர் தற்போது அண்ணாத்த திரைப்படத்தில் நடித்து வருகிறார்.
தற்போது தனக்கு 45 ஆண்டுகளுக்கு முன் ரசிகர் மன்றம் ஆரம்பித்த முத்துமணி என்பவருக்கு உடல் நலம் சரி இல்லாததால் அவருக்கு போன் செய்து உடல் நலனை விசாரித்து அவருக்கு இன்ப அதிர்ச்சி கொடுத்துள்ளார்.
அது மட்டுமின்றி அவரது குடும்பத்திற்கு பைனான்சியல் உதவி செய்வதாகவும் கூறியிருக்கிறார். ரஜினியிடம் பேசியபோது முத்துமணி “நீங்கள் பேசியதாலே விரைவில் குணமடைய போகிறேன்” என்று நெகிழ்ந்து கூறியிருக்கிறார்.
முத்துமணி நடிகர் ரஜினிகாந்துக்கு மதுரையில் முதன் முதலில் ரசிகர் மன்றம் ஆரம்பித்தவர் ஆவார். அன்று முதல் ரஜினிகாந்தின் தீவிர ரசிகரான இவரை அவ்வப்போது நலம் விசாரிப்பது மட்டுமில்லாமல் உதவியும் செய்து வந்திருக்கிறார் நடிகர் ரஜினிகாந்த்.
அடுத்து விரைவில் தொடங்கவுள்ள அண்ணாத்த படத்தின் ஷூட்டிங்கில் கலந்து கொள்வதற்காக தயாராக இருக்கிறாராம் நடிகர் ரஜினிகாந்த். விரைவில் இந்த படத்தின் படப்பிடிப்பு முடியும் என்று எதிர்பார்க்கப்படுகிறது.
முதன் முதலில் மன்றம் ஆரம்பித்த மதுரை AP. முத்துமணி அவர்களை, தலைவர் ரஜினிகாந்த் இன்று போனில் தொடர்பு கொண்டு நலம் விசாரித்தார். pic.twitter.com/IAKSGh8xel
— RIAZ K AHMED (@RIAZtheboss) September 22, 2020
