தமிழ் திரையுலகில் பிரபல காமெடி நடிகராக வலம் வந்தவர் மனோபாலா. இவரை பார்த்தாலே சிரிப்பு வந்து விடும். அந்த அளவிற்கு அதிக படங்களில் நடித்து நம் மனதில் இடம் பிடித்து விட்டார்.
மனோபாலாவின் பாடி லாங்குவேஜ் மற்றும் காமெடி வசனங்கள் தான் ஹைலைட்டாக இருக்கும். இவர் ஆரம்பத்தில் ‘ஆகாய கங்கை, பிள்ளை நிலா, சிறைப்பறவை, ஊர்க்காவலன், மூடுமந்திரம், கருப்பு வெள்ளை, பாரம்பரியம்’ போன்ற பல படங்களை இயக்கியிருக்கிறார்.
இந்நிலையில், இன்று கல்லீரல் பிரச்சனையால் பாதிக்கப்பட்டு சிகிச்சை பெற்று வந்த இயக்குநரும், நடிகருமான மனோபாலா (வயது 69) இயற்கை எய்தினார். தற்போது, கோலிவுட்டின் டாப் ஹீரோக்களில் ஒருவரான ‘சூப்பர் ஸ்டார்’ ரஜினிகாந்த் தனது ட்விட்டர் பக்கத்தில் “பிரபல இயக்குநரும், நடிகருமான, அருமை நண்பர் மனோபாலாவுடைய இறப்பு எனக்கு மிகவும் வேதனை அளிக்கிறது.
அவருடைய குடும்பத்தினருக்கு என்னுடைய அனுதாபங்கள். அவரது ஆத்மா சாந்தியடையட்டும்” என்று பதிவிட்டுள்ளார். மனோபாலா இயக்கிய ‘ஊர்க்காவலன்’ படத்தில் ‘சூப்பர் ஸ்டார்’ ரஜினிகாந்த் ஹீரோவாக நடித்திருந்தது குறிப்பிடத்தக்கது. ரஜினி நடித்த ‘லிங்கா, குசேலன், சந்திரமுகி’ போன்ற படங்களில் மனோபாலா காமெடியனாக வலம் வந்து ரசிகர்களிடம் அப்ளாஸ் வாங்கியிருந்தார்.
பிரபல இயக்குநரும், நடிகருமான, அருமை நண்பர் மனோபாலாவுடைய இறப்பு எனக்கு மிகவும் வேதனை அளிக்கிறது. அவருடைய குடும்பத்தினருக்கு என்னுடைய அனுதாபங்கள். அவரது ஆத்மா சாந்தியடையட்டும்.@manobalam
— Rajinikanth (@rajinikanth) May 3, 2023
