சூப்பர் ஸ்டார் ரஜினிகாந்த் நடிப்பில் சிவா இயக்கத்தில் அடுத்து வெளிவரவிருக்கும் திரைப்படம் “அண்ணாத்த”. சன் பிக்சர்ஸ் கலாநிதி மாறன் தயாரிப்பில் இந்த திரைப்படம் உருவாகிக் கொண்டிருக்கிறது.
இந்த படத்தில் நடிகர் ரஜினிகாந்துடன் மீனா, குஷ்பு சுந்தர், கீர்த்தி சுரேஷ், நயன்தாரா, பிரகாஷ் ராஜ், சதீஸ், சூரி, வேல ராமமூர்த்தி, அர்ஜெய் ஆகியோர் ஏற்கனவே நடித்து வருகிறார்கள்.
அண்ணாத்த படத்திற்கு டி.இமான் இசையமைக்கிறார். வெற்றி ஒளிப்பதிவில் இந்த படத்தின் காட்சிகளை ரூபன் எடிட்டிங் செய்கிறார். லாக்டவுன் காரணமாக இந்த படத்தின் படப்பிடிப்பு நிறுத்தி வைக்கப்பட்டிருந்த நிலையில் தற்போது இந்த படத்தை பற்றி ஏதாவது ஒரு செய்தி பரவி வருகிறது.
தற்போது அண்ணாத்த படம் டிராப் ஆகப் போவதாக செய்தி ஒன்று பரவி பின்பு இது வெறும் வதந்திதான் என்று திரைப்பட வட்டாரம் உறுதி செய்தது.
இந்நிலையில் அண்ணாத்த படத்தின் கதை இதுதான் என்று தற்போது ஒரு செய்தி பரவி வருகிறது. இந்த படத்தில் ரஜினியின் இரண்டு முறை பெண்களாக குஷ்பு மற்றும் மீனா இருப்பார்கள் என்றும், இருவரும் ரஜினியை திருமணம் செய்து கொள்வதற்காக போட்டுக்கொள்வார்கள், பின் ரஜினி இருவரின் மனதையும் புண்படுத்த கூடாது என்று வேறு ஒருவரை திருமணம் செய்து அவர்களுக்கு பிறக்கும் குழந்தைதான் கீர்த்தி சுரேஷ். பிறகு கீர்த்தி சுரேஷ் குஷ்புவிற்கு அல்லது மீனாவிற்கு மருமகளா என்று நடக்கும் போட்டி அதை எப்படி சமாளிக்கிறார்கள் என்பதுதான் கதை என்று தற்போது செய்தி பரவி வருகிறது.
அண்ணாத்த படத்தின் கதைச்சுருக்கம் இதுதானா என்பது குறித்து இன்னும் அதிகாரப்பூர்வமாக எந்த தகவலும் வெளிவரவில்லை.
