தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இப்போது இவர் நடிப்பில் ‘ஜெயிலர், லால் சலாம்’ மற்றும் இயக்குநர் த.செ.ஞானவேல் படம் என மூன்று படங்கள் லைன் அப்பில் இருக்கிறது.
2016-ஆம் ஆண்டு ரஜினி நடிப்பில் வெளியான படம் ‘கபாலி’. இந்த படத்தை பாப்புலர் இயக்குநர்களில் ஒருவரான பா.இரஞ்சித் இயக்கியிருந்தார். இதனை கலைப்புலி.எஸ்.தாணு தனது ‘V கிரியேஷன்ஸ்’ மூலம் தயாரித்திருந்தார்.
இப்படத்தை தெலுங்கு மொழியில் தயாரிப்பாளர் கே.பி.சௌத்ரி என்பவர் விநியோகம் செய்தார். தெலுங்கில் சில முன்னணி நடிகர்களின் படங்களையும் இவர் விநியோகம் செய்திருக்கிறார். தற்போது, ஹைதராபாத்தில் இருக்கும் தயாரிப்பாளர் கே.பி.சௌத்ரியிடம் இருந்து ரூ.78.50 லட்சம் மதிப்புள்ள கோகைன் போதைப்பொருள் பறிமுதல் செய்யப்பட்டதுடன், அவரை போலீசார் கைது செய்துள்ளதாக தகவல் கிடைத்துள்ளது.
