ரஜினியின் ‘அண்ணாத்த’ படத்தின் ‘வா சாமி’ பாடல் ரிலீஸுக்கான கவுண்டவுன் ஸ்டார்ட்ஸ்!

‘சூப்பர் ஸ்டார்’ ரஜினிகாந்த் போலீஸாக மாஸ் காட்டிய ‘தர்பார்’ படம் கடந்த ஆண்டு (2020) தொடக்கத்தில் வெளியானது. இந்த படத்துக்கு பிறகு ரஜினி எந்த இயக்குநருடன் கூட்டணி அமைக்கப்போகிறார் என்ற எதிர்பார்ப்பு இருந்தது. பின், இயக்குநர் சிவாவின் இயக்கத்தில் தான் ரஜினி நடிக்கப்போகிறார் என்று உறுதிசெய்யப்பட்டது. இந்த படத்தை தயாரிப்பது ‘சன் பிக்சர்ஸ்’ என்பதால், படத்தின் ஒவ்வொரு அப்டேட்டும் ரஜினியின் ‘முத்து’ பட வசனம் போல் எப்போ வரும்னு சொல்லாம, வரவேண்டிய நேரத்துல கரெக்ட்டா வந்தது.

படத்தின் டைட்டிலே ‘அண்ணாத்த’ என்று திடீரென அறிவித்து விட்டார்கள். மேலும், படத்தில் மீனா, கீர்த்தி சுரேஷ், குஷ்பூ, ‘லேடி சூப்பர் ஸ்டார்’ நயன்தாரா என ஹீரோயின்கள் பட்டாளமே நடித்துள்ளதாம். ரஜினிக்கு எதிராக மோதும் வில்லன் ரோலில் ஜெகபதி பாபு நடித்துள்ளாராம். சமீபத்தில், இந்த படத்தின் ஃபர்ஸ்ட் லுக், மோஷன் போஸ்டர், டீசர் மற்றும் மூன்று பாடல்கள் ரிலீஸ் செய்யப்பட்டது.

இந்த ஃபர்ஸ்ட் லுக், மோஷன் போஸ்டர், டீசர் மற்றும் மூன்று பாடல்கள் படத்தின் மீதான எக்ஸ்பெக்டேஷன் லெவலை எகிற வைத்தது. கடந்த வாரம் படத்தை பார்த்த சென்சார் குழுவினர் ‘யு/ஏ’ சான்றிதழ் அளித்தனர். படத்தை தமிழ், தெலுங்கு என இரண்டு மொழிகளில் வருகிற நவம்பர் 4-ஆம் தேதி தீபாவளி ஸ்பெஷலாக ரிலீஸ் செய்ய ப்ளான் போட்டுள்ளனர். தற்போது, படத்தின் ‘வா சாமி’ என்ற பாடலை நாளை (அக்டோபர் 24-ஆம் தேதி) ரிலீஸ் செய்யவுள்ளதாக தகவல் கிடைத்துள்ளது.