தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இவர் போலீஸாக மாஸ் காட்டிய ‘தர்பார்’ படம் 2020-ஆம் ஆண்டு தொடக்கத்தில் வெளியானது.
இந்த படத்துக்கு பிறகு ரஜினி, சிவா இயக்கத்தில் ‘அண்ணாத்த’ என்ற படத்தில் நடித்திருந்தார். ‘சன் பிக்சர்ஸ்’ நிறுவனம் தயாரித்திருந்த இப்படம் கடந்த ஆண்டு (2021) நவம்பர் 4-ஆம் தேதி தீபாவளி ஸ்பெஷலாக திரையரங்குகளில் ரிலீஸானது. ரஜினியின் 169-வது படத்தை பாப்புலர் இயக்குநர்களில் ஒருவரான நெல்சன் இயக்க உள்ளார். ‘சன் பிக்சர்ஸ்’ நிறுவனம் தயாரிக்கவுள்ள இப்படத்தின் ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம்.
1986-ஆம் ஆண்டு வெளியான படம் ‘நான் அடிமை இல்லை’. இந்த படத்தில் ரஜினி ஹீரோவாக நடித்திருந்தார். பாப்புலர் இயக்குநர்களில் ஒருவரான துவாரகிஷ் இதனை இயக்கியிருந்தார். இதில் முக்கிய ரோல்களில் ஸ்ரீதேவி, கிரீஷ் கர்னாட் மற்றும் பலர் நடித்திருந்தனர். இந்த படத்துக்காக நடிகர் ரஜினிகாந்த் ரூ.25 லட்சம் சம்பளம் வாங்கியதாக தகவல் கிடைத்துள்ளது.
