தென்னிந்தியாவின் முன்னணி நடிகைகளில் ஒருவரான ரகுல் பிரீத் சிங் தன்னுடைய சோசியல் மீடியா தளங்களில் எப்போதும் ஆக்டிவாக இருக்கும் ஒரு நபர். தற்போது அவர் தன் இன்ஸ்டாகிராம் பக்கத்தில் 15 மில்லியன் ஃபாலோவர்ஸ் பெற்றதை மகிழ்ச்சியுடன் தெரிவித்துள்ளார்.
இந்த செய்தியை வெளியிட்டு அவர் தனக்கு அளவுகடந்த அன்பு கொடுத்த தன் ரசிகர்களுக்கு மிக்க நன்றி என்று கூறியுள்ளார். 2009 ஆம் ஆண்டு “கில்லி” எனும் கன்னட படம் மூலம் திரையுலகிற்கு அறிமுகமானவர் ரகுல் ப்ரீத் சிங்.
2012ஆம் ஆண்டு மகிழ்திருமேனி இயக்கத்தில் வெளியான “தடையற தாக்க” எனும் தமிழ் திரைப்படம் மூலம் தமிழ் திரையுலகிற்கு அறிமுகமான இவர் தொடர்ந்து தெலுங்கு படங்களில் நடித்து வந்தார். 2017 ஆம் ஆண்டு வெளியான “தீரன் அதிகாரம் ஒன்று” படத்தின் மூலம் தமிழ் ரசிகர்களிடையே நீங்காத இடத்தைப் பிடித்தார்.
தற்போது ரவிக்குமார் இயக்கத்தில் சிவகார்த்திகேயன் நடிப்பில் உருவாகி வரும் “அயலான்” படத்தில் நடித்து வருகிறார் ரகுல் ப்ரீத் சிங். மேலும் ஷங்கர் இயக்கத்தில் உலகநாயகன் கமல்ஹாசன் நடிப்பில் உருவாகி வரும் “இந்தியன் 2″படத்திலும் நடித்து வருகிறார்.
அதுமட்டுமின்றி 2 இந்தி படங்களிலும் நடித்து வரும் ராகுல் ப்ரீத் சிங் தற்போது தனது இன்ஸ்டாகிராமில் 15 மில்லியன் ஃபாலோவர்ஸ்களை பெற்றுவிட்டார். அந்த மகிழ்ச்சியில் புகைப்படம் மற்றும் வீடியோ ஒன்றை வெளியிட்டுள்ள ரகுல் பிரீத் சிங் தனது ரசிகர்களுக்கு அன்பையும் நன்றியையும் தெரிவித்துள்ளார்.
இந்த பதிவில் அவர் குறிப்பிட்டுள்ளதாவது “நான் மிகவும் இளம் வயதிலேயே இந்த துறையை தேர்ந்தெடுத்து விட்டேன், அதனால் உங்களது அன்பு மூலமும் ஆதரவு மூலமும் தான் இவ்வளவு உயரம் வளர்ந்து உள்ளேன். நான் மிகவும் நன்றாக நடிக்கிறேன் என்று கூற மாட்டேன் ஆனால் மேலும் மேலும் என் கடின முயற்சியால் உங்களுக்கு நல்ல படைப்பை தருவேன் என்று உறுதி அளிக்கிறேன். உங்கள் அனைவருக்கும் எனது மிகப்பெரிய நன்றி உங்கள் அன்பும் ஆதரவும் நான் என்றும் பெரிதாக நினைக்கிறேன். லவ் யூ ஆல்” என்று மகிழ்ச்சியுடன் தெரிவித்துள்ளார்.
