கன்ஃபஷன் ரூமில் பிக் பாஸையே கன்ஃப்யூஸ் செய்த ரம்யா பாண்டியன்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக் மற்றும் சனம் ஷெட்டி எலிமினேட் செய்யப்பட்டனர். கடந்த சனிக்கிழமை பிக் பாஸ் நிகழ்ச்சியில் ஜித்தன் ரமேஷும், கடந்த ஞாயிற்றுக்கிழமை அறந்தாங்கி நிஷாவும் எலிமினேட் செய்யப்பட்டனர்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் கன்ஃபஷன் ரூமில் அமர்ந்திருக்கும் ரம்யா பாண்டியன் “எனக்கு யார் கூடயாவது பிடிக்கலைன்னா, actually அவங்ககூட கொஞ்சம் distance maintain பண்ணி அந்த இடத்துலயே இருக்க மாட்டேன்” என்று சொல்கிறார். பின், பிக் பாஸ் “கோபம்” என்று கேட்க, அதற்கு ரம்யா “எனக்கு எது கரெக்ட்னு தோணுதோ அந்தந்த situation-ல அதெல்லாம் பண்ணிட்டிருக்கேன்” என்று சொல்கிறார்.

அதன் பிறகு பிக் பாஸ் “அழுகை” என்று கேட்க, அதற்கு ரம்யா “அழுகைல உண்மை இருக்கிறதும் பொய் இருக்கிறதும் ரெண்டுமே பார்க்கலாம் இந்த வீட்ல” என்று சொல்கிறார். பின், பிக் பாஸ் “சக போட்டியாளர்கள்” என்று கேட்க, அதற்கு ரம்யா “இன்னொரு question கேட்கலாமா?” என்று சொல்கிறார். அதன் பிறகு பிக் பாஸ் “நான் கேட்ட கேள்விக்கு நீங்க இன்னும் முழுசா பதில் சொல்லலையே” என்று சொல்கிறார். பின், கன்ஃபஷன் ரூமிலிருந்து ரம்யா வெளியே வருகிறார். அப்போது, அனிதா சம்பத் அவரிடம் “பிக் பாஸையே கன்ஃப்யூஸ் செய்து அவரையும் சிரிக்க வைத்து வெளியே வந்திருக்கிறார் நம்ம ரம்யா பாண்டியன்” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.