அதர்வா முரளி தமிழ் சினிமாவில் வளர்ந்து வரும் நடிகர் ஆவார். நடிகர் முரளியின் மகனும் இயக்குனர் எஸ்.சித்தலிங்கய்யாவின் பேரனுமான அதர்வா தனது திரை வாழ்க்கையை பானா காத்தாடி (2010) மூலம் தொடங்கினார். மேலும் தமிழ் சினிமாவில் தலைசிறந்த இயக்குனர்களில் ஒருவரான பாலாவின் படமான பரதேசி (2013) படத்தில் நடித்து ரசிகர்களிடம் நல்ல வரவேற்பை பெற்றார் .
பரதேசி படத்திற்கு முன் காதல் த்ரில்லர் படமான முப்பொழுதும் உன் கற்பனைகள் (2012) இல் மாயையால் அவதிப்படும் இளைஞனாக நடித்ததற்காக பாராட்டைப் பெற்றார். இயக்குனர் பாலாவின் தேயிலை தோட்டத்தில் அடிமையாக நடத்தப்பட்ட கிராமப்புற வாசியாக அவரது பாத்திரம் அவரது திரைப்பயணத்தில் திருப்புமுனையாக அமைந்தது இதற்காக அதர்வாவுக்கு தமிழில் சிறந்த நடிகருக்கான பிலிம்பேர் விருதைப் பெற்றுத் தந்தது.
இந்நிலையில் இயக்குனர் சற்குணம் இயக்கத்தில் அதர்வா நடிப்பில் லைக்கா நிறுவனம் தயாரித்த படம் பட்டது அரசன் . இந்த படம் சமீபத்தில் வெளியாகி கலவையான விமர்சனங்களை பெற்று வருகிறது . அதர்வா தற்போது அட்ரஸ் என்கிற படத்தில் நடித்து வருகிறார் . இந்நிலையில் நடிகர் அதர்வா தனது தாய் மற்றும் தந்தையுடன் இருக்கும் அரிய புகைப்படம் வெளியாகி வைரலாகி வருகிறது .
