சினிமாவில் பாப்புலர் ஹீரோயின்களில் ஒருவராக வலம் வருபவர் ராஷ்மிகா மந்தனா. இவருக்கு அமைந்த முதல் கன்னட படமே சூப்பர் ஹிட்டானது. அது தான் ‘கிரிக் பார்ட்டி’. அதன் பிறகு தெலுங்கில் இவருக்கு அமைந்த முதல் படமும் மெகா ஹிட்டானது. அது தான் ‘கீதா கோவிந்தம்’.
விஜய் தேவரகொண்டா ஹீரோவாக நடித்த இப்படத்தில் ‘இன்கேம் இன்கேம்’ பாடல் தான் ராஷ்மிகா மந்தனாவை வேர்ல்ட் லெவலில் ஃபேமஸ் ஆக்கியது. ராஷ்மிகா தமிழில் அறிமுகமான முதல் படமே கார்த்தியுடன் தான். அது தான் ‘சுல்தான்’. இயக்குநர் பாக்கியராஜ் கண்ணன் இயக்கியுள்ள இந்த படம் சமீபத்தில் ரிலீஸானது.
இப்போது, ராஷ்மிகா மந்தனா நடிப்பில் ஹிந்தியில் இரண்டு படங்களும், தெலுங்கில் இரண்டு படங்களும் லைன் அப்பில் இருக்கிறது.இதில் ரசிகர்கள் அதிகம் எதிர்பார்க்கும் படம் ‘புஷ்பா’ (தெலுங்கு). அல்லு அர்ஜுன் ஹீரோவாக நடித்துள்ள இப்படத்தின் முதல் பாகத்தை வருகிற டிசம்பர் 17-ஆம் தேதி ரிலீஸ் செய்ய ப்ளான் போட்டுள்ளனர். இந்நிலையில், இப்படத்தின் ‘சாமி சாமி’ பாடலுக்கு படு கவர்ச்சியான உடையில் நடனமாடி வீடியோ வெளியிட்டுள்ளார் ராஷ்மிகா.
