வாரிசு படத்தில் நடித்தது ஏன் ? ராஷ்மிகா அளித்த விளக்கம் !

நடிகர் விஜய் நடிப்பில் வம்சி இயக்கத்தில் வெளியாகி உள்ள படம் வாரிசு . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து உள்ளார் . ராஷ்மிகா நாயகியாக நடித்துள்ள இந்த படத்திற்கு தமன் இசையமைத்துள்ளார். சரத்குமார் , பிரகாஷ் ராஜ் , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .

ஜனவரி மாதம் 11 -ஆம் தேதி தமிழில் வெளியான இந்த படம் கலவையான விமர்சனங்களை பெற்று வருகிறது. இந்நிலையில் வாரிசு படம் அமேசான் பிரைம் ஒ.டி.டி தளத்தில் வருகின்ற பிப்ரவரி மாதம் 10ம் தேதி வெளியாக உள்ளது என்று கூறப்படுகிறது .

இது ஒரு புறம் இருக்க நடிகை ராஷ்மிகா வாரிசு படத்தின் நான் ஏன் நடித்தேன் என்ற விளக்கத்தை தந்துள்ளார் . வாரிசு படத்தின் கதையை கேட்ட போது இரண்டு பாடல்களை தவிர எனக்கு படத்தில் முக்கியத்துவம் இல்லை என்று தெரிந்தது . இது தெரிந்தும் நான் அந்த படத்தில் நடித்ததற்கு காரணம் விஜய் தான் . நீண்ட காலமாக ஒரு ரசிகையாக அவரை நான் ரசித்து வருகிறேன் . அதனால் அவருடன் நடிக்க வேண்டும் என்ற ஆசை இருந்தது . அதனால் வாரிசு படத்தை விட எனக்கு மனசு இல்லை . எனக்கு கூடுதல் முக்கியத்துவம் இல்லை என்றாலும் விஜய்யுடன் நடித்த காரணத்தால் மகிழ்ச்சியுடன் இருக்கிறேன் என்று கூறியுள்ளார் .