விஜய் தேவரகொண்டாவுடன் டேட்டிங்கா?… ட்விட்டரில் விளக்கமளித்த நடிகை ராஷ்மிகா மந்தனா!

சினிமாவில் பாப்புலர் ஹீரோயின்களில் ஒருவராக வலம் வருபவர் ராஷ்மிகா மந்தனா. இவருக்கு அமைந்த முதல் கன்னட படமே சூப்பர் ஹிட்டானது. அது தான் ‘கிரிக் பார்ட்டி’. அதன் பிறகு தெலுங்கில் இவருக்கு அமைந்த முதல் படமும் மெகா ஹிட்டானது. அது தான் ‘கீதா கோவிந்தம்’. விஜய் தேவரகொண்டா ஹீரோவாக நடித்த இப்படத்தில் ‘இன்கேம் இன்கேம்’ பாடல் தான் ராஷ்மிகா மந்தனாவை வேர்ல்ட் லெவலில் ஃபேமஸ் ஆக்கியது.

ராஷ்மிகா தமிழில் அறிமுகமான முதல் படமே கார்த்தியுடன் தான். அது தான் ‘சுல்தான்’. சமீபத்தில், ராஷ்மிகா நடிப்பில் வெளியான துல்கர் சல்மானின் ‘சீதா ராமம்’, ‘தளபதி’ விஜய்யின் ‘வாரிசு’ ஆகிய இரண்டு படங்களும் சூப்பர் ஹிட்டானது. இப்போது, ராஷ்மிகா மந்தனா நடிப்பில் ஹிந்தியில் ஒரு படமும், தெலுங்கில் இரண்டு படங்களும் லைன் அப்பில் இருக்கிறது.

இந்நிலையில், கடந்த ஏப்ரல் 5-ஆம் தேதி நடிகை ராஷ்மிகாவின் பிறந்த நாள் என்பதால் திரையுலக பிரபலங்களும், ரசிகர்களும் இவருக்கு சமூக வலைத்தளங்களில் வாழ்த்து தெரிவித்தனர். இதற்கு நன்றி தெரிவித்து ராஷ்மிகா ஒரு வீடியோ பதிவை வெளியிட்டிருந்தார். ஏற்கனவே, நடிகர் விஜய் தேவரகொண்டாவை ராஷ்மிகா காதலித்து வருவதாகவும், அவருடன் டேட்டிங் சென்று வருவதாகவும் தண்டோரா போடப்படுகிறது.

இதற்கிடையில் ராஷ்மிகாவின் வீடியோவில் அவர் இருக்கும் இடமும், சமீபத்தில் விஜய் தேவரகொண்டா வெளியிட்ட ஒரு வீடியோவிலும் அதே இடத்தில் இருந்து அவர் பேசியிருந்ததால், இருவரும் லிவ்-இன் ரிலேஷன்ஷிப்பில் இருப்பது உறுதி செய்யப்பட்டிருக்கிறது என்று ஒருவர் ட்விட்டரில் பதிவிட்டிருந்தார். இதற்கு ராஷ்மிகா “அய்யோ.. ரொம்ப அதிகமா யோசிக்காதீங்க” என்று பதில் ட்வீட் போட்டுள்ளார்.

#RashmikaMandanna & #VijayDeverakonda On Dating It's Clearly Proved… Yes but it was very Seriously #VijayDevarakonda Favourite Ring To #Rashmika Figure.. They Both are living in same house same Room.. Surely we can Hear great News @iamRashmika @TheDeverakonda pic.twitter.com/VotVtLUAr5

— South Digital Media (@SDM_official1) April 6, 2023

Aiyoooo.. don’t over think it babu.. ❤️

— Rashmika Mandanna (@iamRashmika) April 6, 2023