தமிழில் முன்னணி நடிகர்களில் ஒருவரான தளபதி விஜய், அடுத்து நடிக்கவிருக்கும் திரைப்படம் “தளபதி 65” என்று அழைக்கப்பட்டு வருகிறது.
இந்தப்படத்தின் கதை பற்றியும் படக்குழுவினர் பற்றியும் அவ்வப்போது செய்திகள் வந்த வண்ணம் உள்ளன.
அதில் தற்போது, இந்த படத்தில் விஜய்க்கு ஜோடியாக “ராஷ்மிகா மந்தனா” நடிக்கவுள்ளார் என்ற செய்தி வெளியாகியுள்ளது. இவர் கன்னடா, தெலுங்கு ஆகிய படங்களில் நடித்து ரசிகர்களிடையே நல்ல வரவேற்பை பெற்றுள்ளார்.
இந்தப் படத்தை ஏ.ஆர்.முருகதாஸ் இயக்கவிருப்பதாகவும், இந்த படத்தில் விஜய்க்கு ஜோடியாக இரண்டு நடிகைகள் இருக்கலாம் என்றும் கூறப்பட்டது. மேலும் இந்த படத்தில் மடோனா செபாஸ்டின் ஒரு முக்கிய கதாபாத்திரத்தில் நடிக்கவுள்ளார் என்று செய்தியும் வெளியாகியிருந்தது.
தமிழில் ராஷ்மிகா நடித்து வெளிவரவிருக்கும் முதல் திரைப்படம் ‘சுல்தான்’. இந்த படத்தில் இவர் நடிகர் கார்த்திக் ஜோடியாக நடித்துள்ளார். 2021ல் வெளிவரவிருக்கும் இந்த படத்தை பாக்யராஜ் கண்ணன் இயக்குகியுள்ளார். இதைத்தொடர்ந்து அவர் ‘தளபதி65’ ல் நடிக்கவுள்ளார் என்ற செய்தி வந்துள்ளது.
நடிகர் விஜய் நடித்து அடுத்து வெளியாகவிருக்கும் திரைப்படம் “மாஸ்டர்”. இந்த படத்தை லோகேஷ் கனகராஜ் இயக்கியுள்ளார். ஏப்ரல் மாதத்தில் வெளிவரவிருந்த இந்த திரைப்படம் கொரோனா லாக்டவுன் காரணமாக தள்ளி வைக்கப்பட்டுள்ளது.
