தெலுங்கு சினிமாவில் டாப் ஹீரோக்களில் ஒருவராக வலம் வருபவர் ரவி தேஜா. இவர் நடிப்பில் உருவாகியுள்ள புதிய படம் ‘டைகர் நாகேஸ்வரராவ்’. இந்த படத்தை இயக்குநர் வம்சீ இயக்கியுள்ளார்.
இதில் மிக முக்கிய ரோல்களில் ரேணு தேசாய், அனுபம் கெர், முரளி ஷர்மா, நுபுர் சனோன், காயத்ரி பரத்வாஜ் ஆகியோர் நடித்துள்ளனர். இதற்கு ஜி.வி.பிரகாஷ் குமார் இசையமைத்துள்ளார், மதி ஒளிப்பதிவு செய்துள்ளார்.
சமீபத்தில், இப்படத்தின் ட்ரெய்லரை ரிலீஸ் செய்தனர். இந்த ட்ரெய்லர் ரசிகர்களிடம் நல்ல வரவேற்பை பெற்றது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது.
படத்தை வருகிற அக்டோபர் 20-ஆம் தேதி தெலுங்கு மொழி மட்டுமில்லாமல், தமிழ், ஹிந்தி, மலையாளம், கன்னடம் ஆகிய மொழிகளிலும் ரிலீஸ் செய்ய ப்ளான் போட்டுள்ளனர். தற்போது, இப்படம் உலக அளவில் ரூ.38.50 கோடி வசூலித்தால் தான் பிரேக் ஈவன் ஆகும் என்று தகவல் கிடைத்துள்ளது.
