யூ டியூபில் திரைப்படங்களை விமர்சனம் செய்து ஃபேமஸானவர் ‘ப்ளூ சட்டை’ மாறன். தற்போது, இவரும் வெள்ளித்திரையில் என்ட்ரியாகியுள்ளார். இவர் இயக்கியிருக்கும் புதிய படத்துக்கு ‘ஆன்டி இண்டியன்’ (Anti Indian) என டைட்டில் சூட்டப்பட்டுள்ளது. இந்த படத்தை கதை, திரைக்கதை, வசனம் எழுதி, இயக்கியதுடன் ‘ப்ளூ சட்டை’ மாறனே இசை அமைத்திருக்கிறாராம்.
இதனை ‘மூன் பிக்சர்ஸ்’ என்ற நிறுவனம் சார்பில் ஆதம் பாவா தயாரித்துள்ளார். இதன் மோஷன் போஸ்டரை கடந்த மே 14-ஆம் தேதி ‘ப்ளூ சட்டை’ மாறன் தனது ட்விட்டர் பக்கத்தில் ரிலீஸ் செய்திருந்தார். இந்த மோஷன் போஸ்டர் ரசிகர்களிடையே நல்ல வரவேற்பை பெற்றது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது.
சமீபத்தில், இந்த படத்தை பார்த்த சென்சார் குழுவினர் முழுமையாக நிராகரித்து தடை விதித்தனர். பின், படத்தை மறு தணிக்கைக்கு அனுப்பி வைத்தனர். தற்போது, படத்தை பார்த்த மறு தணிக்கை குழுவினர் 38 இடங்களில் கட்ஸ் கொடுத்ததுடன், படத்தின் டைட்டிலையும் மாற்றினால் தான் ‘யு/ஏ’ சான்றிதழ் அளிப்போம் என்று சொல்லியிருப்பதாக தகவல் கிடைத்துள்ளது.
