புது டாஸ்கிற்காக இரண்டு அணிகளாக பிரிந்த ஹவுஸ்மேட்ஸ்… ஆரி மீது கடுப்பான ரியோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ் மற்றும் அறந்தாங்கி நிஷா எலிமினேட் செய்யப்பட்டனர். கடந்த ஞாயிற்றுக்கிழமை பிக் பாஸ் நிகழ்ச்சியில் அர்ச்சனா எலிமினேட் செய்யப்பட்டார்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் போட்டியாளர்களுக்கு கொடுக்கப்படும் புதிய டாஸ்க் பற்றி ரம்யா பாண்டியன் “டாஸ்க் name : ‘b for ball, c for catch : ball catch. ஹவுஸ்மேட்ஸ் அனைவரும் இரண்டு அணிகளாக பிரிய வேண்டும். மூன்று அளவுகள் கொண்ட பந்துகள் வரும். சிறிய பந்துக்கு ஐந்து மதிப்பெண்கள். பெரிய பந்துக்கு பத்து மதிப்பெண்கள்.

அதை காட்டிலும் பெரிய பந்துக்கு 20 மதிப்பெண்கள். நீங்கள் எத்தனை பந்துகளை பிடிக்கிறீர்களோ, அதற்கு ஏற்றவாறு உங்கள் அணிகளின் மதிப்பெண்கள் அதிகரித்து கொண்டே வரும்” என்று சொல்கிறார். அதன் பிறகு இந்த டாஸ்கில் விளையாடும்போது ஆரியிடம் ரியோ ராஜ் “இங்க கேள்வி கேட்குறத விட்டுட்டு, உங்க டீம்ல நடந்ததை ஃபர்ஸ்ட் கேளுங்க. பாலாஜி centre-ல இங்க நிக்குறாப்ல, ஏன்னா கரெக்டா தெரியுது ball எப்படி வருதுன்னு, பாலாஜிக்கு பின்னாடி ஆஜித் இங்க நிக்குறாங்க. நான் எங்க நிப்பேன்?” என்று கேட்கிறார். இவ்வீடியோ சமூக வலைத்தளங்களில் தீயாய் பரவி வருகிறது.