‘பிக் பாஸ்’ வீட்ல அன்பை எதிர்பார்க்குறது தப்பா?… புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி எலிமினேட் செய்யப்பட்டார்.

கடந்த ஞாயிற்றுக்கிழமை பிக் பாஸ் நிகழ்ச்சியில் சுசித்ரா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘கால் சென்டர்’ டாஸ்கின் போது ரியோ ராஜ், ஆஜித்திற்கு கால் செய்கிறார். அப்போது ரியோ “இந்த வீட்ல எல்லாமே கேம், எல்லாமே strategy அப்படின்னு யார் சார் சொல்லுவா?” என்று கேட்கிறார்.

அதற்கு ஆஜித் “பாலாஜி” என்று சொல்கிறார். பின், ரியோ “அனிதா, சனம் எல்லாத்தையுமே நான் கேமாதான் பார்ப்பேன்னு சொல்றவங்க வாயிலயிருந்து, நாங்க ரெண்டு பேர் ஃப்ரெண்ட்ஸ் அப்படின்னு சொல்லும்போது ஒரு அன்பு அழகா இருக்கு சார். உங்கமேல வைக்குற அன்பு ஏன் fake-ஆ இருக்க கூடாது? இது ஏன் opinion-ன்னு வச்சா உங்களுக்கு எப்படி இருக்கும்? நீங்க எதிர்பார்க்காம கிடைக்குது. ஆனா, accept பண்றீங்க. சில பேர் எதிர்பார்த்து கிடைக்கும்போது அதை accept பண்றதுல என்ன சார் தப்பு? இங்க இந்த வீட்ல அன்பை எதிர்பார்க்குறது தப்பா?” என்று கேட்கிறார். இவ்வீடியோ சமூக வலைத்தளங்களில் தீயாய் பரவி வருகிறது.