தமிழ் சினிமாவில் பிரபல நடிகராக வலம் வந்து கொண்டிருப்பவர் ‘ஜெயம்’ ரவி. இவரது நடிப்பில் வெளியான கடைசி இரண்டு படங்களும் சூப்பர் ஹிட்டானது. ஆகையால், ‘ஜெயம்’ ரவியின் அடுத்த படத்தின் மீதான எதிர்பார்ப்பு அதிகமாக இருக்கிறது. அடுத்ததாக ‘ஜெயம்’ ரவி நடிப்பில் மணிரத்னமின் ‘பொன்னியின் செல்வன்’, லக்ஷ்மனின் ‘பூமி’, அஹமத்தின் ‘ஜன கண மன’, மோகன் ராஜாவின் ‘தனி ஒருவன்’ பார்ட் 2, இயக்குநர் சூர்யா பாலகுமாரன் படம், ஏ.ஆர்.முருகதாஸ் தயாரிக்கும் படம் என ஆறு படங்கள் லைன் அப்பில் இருக்கிறது.
இப்போது ‘கொரோனா’ பிரச்சனையால் அனைத்து திரையரங்குகளும் மூடப்பட்டுள்ளது. ‘ஜெயம்’ ரவியின் பிறந்த நாள் வருகிற செப்டம்பர் 10-ஆம் தேதி என்பதால், அவரின் ஃபேன்ஸுக்கு சூப்பரான பர்த்டே ட்ரீட் கொடுக்கவுள்ளார். ‘பூமி’ படத்தின் முதல் சிங்கிள் டிராக்கான ‘தமிழன் என்று சொல்லடா’-வை அன்று ரிலீஸ் செய்ய ப்ளான் போட்டுள்ளாராம்.
தற்போது, டி.இமான் இசையமைத்துள்ள இப்பாடலின் ப்ரோமோ வீடியோவை ‘ஜெயம்’ ரவி தனது அதிகாரப்பூர்வ ட்விட்டர் பக்கத்தில் வெளியிட்டுள்ளார். மேலும், இந்த பாடலை பாடிய பிரபல இசையமைப்பாளர் ‘ராக்ஸ்டார்’ அனிருத்திற்கு நன்றியும் கூறியுள்ளார் ‘ஜெயம்’ ரவி. இந்த படத்தில் ‘ஜெயம்’ ரவிக்கு ஜோடியாக நிதி அகர்வால் நடித்து வருகிறாராம்.
https://twitter.com/actor_jayamravi/status/1302982431520088064
