2008 ஆம் ஆண்டு வெளியான “தாம்தூம்” படத்தில் ஒரு சிறிய கதாபாத்திரத்தின் மூலம் தமிழ் திரையுலகிற்கு அறிமுகப்படுத்தப்பட்டவர் சாய்பல்லவி. இவர் மலையாள படமான “பிரேமம்” மூலம் ரசிகர்கள் இடையே நீங்காத இடத்தைப் பிடித்தார்.
“உங்களில் யார் அடுத்த பிரபுதேவா” எனும் தொலைக்காட்சி நிகழ்ச்சி மூலம் நடன கலைஞராக பலர் மத்தியில் அடையாளம் கண்டு கொள்ளப்பட்ட இவர், நடிகையாக உருமாறி சமீபத்தில் தனுஷ் ஜோடியாக “மாரி 2” படத்திலும் நடிகர் சூர்யா ஜோடியாக “என்ஜிகே” படத்திலும் நடித்திருந்தார்.
இவர் தற்போது தெலுங்கு படமான “லவ் ஸ்டோரி” படத்தில் நடித்து வருகிறார். லாக்டோன் காரணமாக இந்த படத்தின் படப்பிடிப்பு தள்ளி வைக்கப்பட்டுள்ள நிலையில் இந்த படத்தில் ஒரு பாடலுக்கு சாய்பல்லவியை கோரியோகிராபி செய்து தர இயக்குனர் சேகர் கம்முல்லா வேண்டுகோள் விடுத்துள்ளதாக திரைப்பட வட்டாரம் தெரிவிக்கிறது.
இந்நிலையில் திருச்சி தனியார் கல்லூரிக்கு மருத்துவ தேர்வு எழுத வந்த நடிகை சாய் பல்லவியுடன் ரசிகர்கள் செல்பி எடுத்து குவித்துள்ளனர். அவர் முகத்தில் மாஸ்க்குடன் இருக்கும் போட்டோ சமூகவலைதளங்களில் வைரலாகி வருகிறது.
இந்நிலையில் தெலுங்கில் நடிகர் நானியுடன் ஜோடி சேர்ந்து நடிப்பதற்காக சாய் பல்லவியை அணுகியதாகவும் அதற்கு அவர் தன் சம்பளத்தை 2 கோடியாக தற்போது ஏற்றி விட்டதாகவும் கூறியிருக்கிறார்.
சமீபத்தில் கொரோனா லாக்டவுன் காரணமாக அனைத்து நடிகர் நடிகைகளும் தங்கள் சம்பளத்தை குறைத்துக் கொள்ளும்படி தயாரிப்பாளர்கள் வேண்டுகோள் விடுத்து வரும் நிலையில் சாய்பல்லவி இப்படி சம்பளத்தை ஏற்றியுள்ளதால் தயாரிப்பாளர் வருத்தத்தில் இருக்கிறாராம்.
