விஜய் டிவியில் ‘உலக நாயகன்’ கமல் ஹாசன் தொகுத்து வழங்கிய ‘பிக் பாஸ்’ ரியாலிட்டி ஷோவின் சீசன் 5 கடந்த ஆண்டு (2021) அக்டோபர் 3-ஆம் தேதி முதல் இந்த ஆண்டு (2022) ஜனவரி 16-ஆம் தேதி வரை ஒளிபரப்பானது. இந்த சீசனில் ராஜு ஜெயமோகன் டைட்டில் வின்னர் என்றும், பிரியங்கா ரன்னர் அப் என்றும் அறிவிக்கப்பட்டது.
‘பிக் பாஸ்’ ரியாலிட்டி ஷோவின் சீசன் 6 கடந்த அக்டோபர் 9-ஆம் தேதி முதல் ஒளிபரப்பாகத் துவங்கி உள்ளது. இந்த நிகழ்ச்சியில் ஜி.பி.முத்து, அசல், ஷிவின் கணேசன், அஸீம், ராபர்ட், ஆயிஷா, ஷெரினா, மணிகண்டா ராஜேஷ், ரச்சிதா மகாலக்ஷ்மி, ராம் ராமசாமி, ADK, ஜனனி, சாந்தி, விக்ரமன், அமுதவாணன், மகேஸ்வரி, கதிரவன், குயின்ஸி, நிவா, தனலக்ஷ்மி ஆகிய 20 போட்டியாளர்கள் கலந்து கொண்டுள்ளனர். நேற்று (அக்டோபர் 16-ஆம் தேதி) பிக் பாஸ் வீட்டிற்குள் வைல்ட் கார்ட் மூலம் மைனா நந்தினி என்ட்ரியானார்.
‘பிக் பாஸ்’ சீசன் 1 முதல் இப்போது ஆறாவது சீசன் வரை நிகழ்ச்சியின் பின்னணியில் ஒலிக்கும் ‘பிக் பாஸ்’யின் குரல் ‘சாஷோ’ என்பவருடையது தான். இவர் ‘மஞ்சுநாத், கஹானிபாஷ்’ போன்ற ஹிந்தி படங்களில் நடித்தவராம். தற்போது, இந்த ‘பிக் பாஸ்’ 6-வது சீசனுக்காக சாஷோவிற்கு ரூ.6 லட்சம் (ஒரு மாதத்திற்கு) சம்பளம் பேசப்பட்டுள்ளதாக தகவல் கிடைத்துள்ளது.
Home