சூரரைப்போற்று திரைப்படத்தைப் பற்றி நடிகை சமந்தாவின் பதிவு!

தென்னிந்தியாவின் முன்னணி நடிகைகளில் ஒருவரான சமந்த”பானா காத்தாடி” என்ற படத்தின் மூலம் தமிழ் திரையுலகிற்கு நடிகையாக அறிமுகம் செய்யப்பட்டார். இதைத்தொடர்ந்து பல முன்னணி நட்சத்திரங்களுடன் நடித்து தனக்கென பெரிய ரசிகர் பட்டாளத்தை தற்போது கொண்டுள்ளார் இவர்.

கடைசியாக இவர் பிரேம் குமார் இயக்கத்தில் 96 படத்தின் ரீமேக்கான “ஜானு” என்ற படத்தில் நடித்துள்ளார். இதைத்தொடர்ந்து “காற்றுவாக்கில் இரண்டு காதல்” படத்தில் நடிக்கவுள்ளார். விக்னேஷ் சிவன் இயக்கத்தில் நயன்தாரா விஜய் சேதுபதியுடன் இணைந்து இந்த படத்தில் நடிக்கவிருக்கிறார்.

சமீபத்தில் சூர்யா நடிப்பில் வெளியான “சூரரைப்போற்று” திரைப்படத்தை பார்த்து மகிழ்ந்த சமந்தா, இந்த படத்தை பாராட்டி தன் பதிவை வெளியிட்டு தனக்கு தேவையான உற்சாகத்தை இந்த படம் அளித்துள்ளது என்றும் கூறியுள்ளார். இந்த பதிவு தற்போது இணையதளத்தில் வைரலாக வருகிறது.