அடேங்கப்பா… ‘டான்’ படத்துக்காக சமுத்திரக்கனி வாங்கிய சம்பளம் இவ்ளோவா?

சினிமாவில் டாப் ஹீரோக்களில் ஒருவராக வலம் வருபவர் சிவகார்த்திகேயன். இவர் நடிப்பில் ‘அயலான்’, ‘டான்’, ‘பிரின்ஸ்’, ராஜ்குமார் பெரியசாமி படம் என நான்கு படங்கள் லைன் அப்பில் இருந்தது. இதில் அறிமுக இயக்குநர் சிபி சக்கரவர்த்தி இயக்கியுள்ள ‘டான்’ படத்தை ‘லைகா புரொடக்ஷன்ஸ்’ நிறுவனத்துடன் இணைந்து சிவகார்த்திகேயன் தனது ‘சிவகார்த்திகேயன் புரொடக்ஷன்ஸ்’ மூலம் தயாரித்துள்ளார்.

இந்த படம் கடந்த மே 13-ஆம் தேதி திரையரங்குகளில் ரிலீஸானது. இதில் சிவகார்த்திகேயனுக்கு ஜோடியாக பிரியங்கா மோகன் நடித்துள்ளார். மேலும், முக்கிய ரோல்களில் எஸ்.ஜே.சூர்யா, சமுத்திரக்கனி, சூரி, முனிஸ்காந்த், பால சரவணன், காளி வெங்கட், RJ விஜய், ஷிவாங்கி ஆகியோர் நடித்துள்ளனர்.

இப்படத்திற்கு அனிருத் இசையமைத்துள்ளார், கே.எம்.பாஸ்கரன் ஒளிப்பதிவு செய்துள்ளார், நாகூரான் படத்தொகுப்பாளராக பணியாற்றியுள்ளார். தற்போது, இப்படம் திரையரங்குகளில் வெற்றிகரமாக ஓடிக் கொண்டிருக்கிறது. இந்நிலையில், இந்த படத்தில் நடிக்க சமுத்திரக்கனி ரூ.1 கோடி சம்பளம் வாங்கியதாக தகவல் கிடைத்துள்ளது.