‘விநோதய சித்தம்’ படத்தின் தெலுங்கு ரீமேக்கான ‘ப்ரோ’… வெளியானது மோஷன் போஸ்டர்!

சினிமாவில் பாப்புலர் நடிகர்களில் ஒருவராக வலம் வருபவர் சமுத்திரக்கனி. இவர் நடித்த ‘விநோதய சித்தம்’ என்ற திரைப்படம் 2021-ஆம் ஆண்டு பிரபல OTT தளமான ‘ஜீ5’யில் ரிலீஸானது. ஸ்ரீவத்சன் – விஜி இருவருடன் இணைந்து சமுத்திரக்கனியே திரைக்கதை – வசனம் எழுதி இந்த படத்தை இயக்கியிருந்தார்.

இதில் சமுத்திரக்கனியுடன் இணைந்து தம்பி இராமையா, தீபக், ஜெயபிரகாஷ், முனிஷ்காந்த், ஹரி, நமோ நாராயணன், ‘பிச்சைக்காரன்’ மூர்த்தி, சஞ்சிதா ஷெட்டி, ஸ்ரீரஞ்சனி, யுவலக்ஷ்மி, ஷெரின் ஆகியோர் நடித்திருந்தனர். இப்படம் ரசிகர்களிடம் நல்ல வரவேற்பை பெற்றது.

தற்போது, இப்படம் தெலுங்கில் ரீமேக் செய்யப்பட்டுள்ளது. ‘ப்ரோ’ என டைட்டில் சூட்டப்பட்டுள்ள இந்த படத்தையும் சமுத்திரக்கனியே இயக்கியிருக்கிறார். இதில் பவன் கல்யாண் – சாய் தரம் தேஜ் இணைந்து நடித்துள்ளனர். இன்று இதன் மோஷன் போஸ்டரை ரிலீஸ் செய்துள்ளனர். படத்தை வருகிற ஜூலை 28-ஆம் தேதி ரிலீஸ் செய்ய ப்ளான் போட்டுள்ளனர்.