விவாத மன்றத்தில் சம்யுக்தா Vs ஆரி… வெளியானது ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு பிக் பாஸ் ஷோவில் ரேகா எலிமினேட் செய்யப்பட்டார். கடந்த ஞாயிற்றுக்கிழமை பிக் பாஸ் நிகழ்ச்சியில் வேல்முருகன் எலிமினேட் செய்யப்பட்டார். மேலும், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது.

இந்த ப்ரோமோ வீடியோவில் போட்டியாளர்களுக்கு கொடுக்கப்படும் விவாத மன்றம் டாஸ்கில் நீதிபதியாக இருக்கும் சுசித்ரா “கேஸ் நம்பர் 4, சம்யுக்தா Vs ஆரி” என்று சொல்கிறார். முதலில் சம்யுக்தா “எல்லாரும் அவரை கார்னர் பண்றாங்கன்னு சொல்றாரு அது உண்மையே கிடையாது” என்று சொல்கிறார். பின், ஆரி “ஒரு கேப்டனோட responsibility என்னனே தெரியாம கேப்டனா இருக்காங்க. பாலாஜி உங்களை கேப்டன் ஆக்குனாருங்குறதுக்காக நீங்க செய்யலையா?” என்று கேட்கிறார்.

அதற்கு சம்யுக்தா “எந்த incidents-ல நான் பாலாஜியை சப்போர்ட் பண்ணியிருக்கேன்?” என்று கேட்கிறார். பின், ஆரி “இந்த வீட்ல நீங்க வந்து exercise பண்ண வந்திருக்கீங்களா? எதுக்கு வந்திருக்கீங்கங்குற கேள்வியை அவங்கதான் என்கிட்ட கேட்டாங்க. இந்த வீட்ல exercise பண்றது எத்தனை பேர்னு எல்லாருக்கும் தெரியும்” என்று சொல்கிறார். அதற்கு பாலாஜி ஏதோ சொல்ல, உடனே ஆரி கோபத்துடன் “தம்பி உனக்கு எதாவது பேசும்போது வாய்ப்பு கிடைச்சா இங்க வந்து பேசு” என்று சொல்கிறார். அதற்கு பாலாஜி “இல்ல பேச முடியாது” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day31 #Promo1 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/u44fN0C3pN

— Vijay Television (@vijaytelevision) November 4, 2020