நடிகை வனிதா விஜயகுமார் பீட்டர் பால் என்பவரை சமீபத்தில் திருமணம் செய்து கொண்டார். இவர்கள் திருமணமான நாள் முதலே பல பிரச்சனைகளை சந்தித்து வருகிறார்கள்.
பீட்டர் பாலின் முதல் மனைவி தங்களுக்கு இன்னும் விவாகரத்து ஆகவில்லை என்ற பிரச்சினையை கிளப்பியது முதல் பலரும் வனிதாவை விமர்சித்து பதிவுகளையும் வீடியோக்களையும் வெளியிட்டு வருகிறார்கள்.
இதற்கு தக்க பதிலடி கொடுத்து வரும் வனிதா சமீபத்தில் சூரிய தேவி என்பவர் மீது சைபர் புல்லியிங் கேஸ் ஒன்றையும் கொடுத்தார். அதைத் தொடர்ந்து இந்த பிரச்சினையை பற்றி பேசிய குட்டி பத்மினி, லக்ஷ்மி ராமகிருஷ்ணன், கஸ்தூரி, தயாரிப்பாளர் ரவீந்தர் என அனைவரையும் விளாசித் தள்ளினார் வனிதா விஜயகுமார்.
சமீபத்தில் பீட்டர் பால் மற்றும் வனிதா கொடுத்த பேட்டியை தொடர்ந்து, இவர்களை விமர்சனம் செய்து பீட்டர் பாலின் முதல் மனைவி லட்சுமி ராமகிருஷ்ணனை அணுகினார்.
இதனால் மீண்டும் இந்த பிரச்சனையில் தலையிட்ட லட்சுமி ராமகிருஷ்ணனை வனிதா விஜயகுமார் தகாத வார்த்தைகளால் திட்டி பேசிவிட்டார்.
ஏற்கனவே அவர்களது பிரச்சினை பற்றி பேசியிருந்த நடிகை கஸ்தூரி, மீண்டும் லட்சுமி ராமகிருஷ்ணனை அவதூறாகப் பேசியது மிகப்பெரிய தவறு என்று லட்சுமி ராமகிருஷ்ணனுக்கு ஆதரவு தெரிவித்து பதிவிட்டுள்ளார்.
இதற்கும் வனிதா பதிலடி கொடுத்து வந்த நிலையில், திடீரென சோசியல் மீடியாவிலிருந்து விலக முடிவு செய்து ட்விட்டர் அக்கவுண்டை டெலிட் செய்துவிட்டார்.
இந்நிலையில் நடிகை சனம் ஷெட்டியும் வனிதாவிற்கு அட்வைஸ் செய்து பதிவிட்டுள்ளார். சனம் ஷெட்டி குறிப்பிட்டுள்ளதாவது “நான் ஏமாற்றப்பட்ட பொழுது எனக்கு நீங்கள் ஆதரவு தெரிவித்துள்ளீர்கள், அதற்கு எப்போதும் நான் உங்களுக்கு நன்றிக்கடன் பட்டுள்ளேன். அதற்காக கல்யாணத்தில் இருக்கும்பொழுது வேறு ஒரு பெண்ணுடன் தொடர்பு வைத்திருக்கும் ஆணை நீங்கள் சப்போர்ட் செய்வதை என்னால் ஏற்றுக்கொள்ள முடியவில்லை. இதற்கு நாம் ஆதரவு தெரிவிக்க்கூடாது. தயவுசெய்து இதை நீங்கள் ஆதரிக்காதீர்கள்” என்றிருக்கிறார்.
மேலும் சனம் செட்டி வனிதாவின் இந்த பிரச்சனையை பற்றி ஒரு வீடியோவை வெளியிட்டுள்ளார். அது தற்போது இணையதளத்தில் வைரலாகி இருக்கிறது.
