கலைஞர் தொலைக்காட்சி மூலமாக நடன ஆசிரியராக தனது பயணத்தை தொடங்கிய சாண்டி மாஸ்டர் விஜய் தொலைக்காட்சியின் மூலம் உலகெங்கும் உள்ள தமிழர்களுக்கு பிரபலமானார். நடன இயக்குனர் கலா மாஸ்டரின் ஜூனியரான இவர் பல தொலைக்காட்சி நிகழ்ச்சிகளுக்கு தொகுப்பாளராக, நடன ஆசிரியராக இருந்து படிப்படியாக முன்னேறி நடன நிகழ்ச்சிக்கு நடுவராக உயர்ந்தார். இவரது மேடை நடனங்கள் அனைவரையும் கவரும் விதமாக இருக்கும். சின்னத்திரையில் கலக்கிய இவர் வெள்ளித்திரையையும் கலக்க தொடங்கினார்.
விஜய் சேதுபதியின் கலாசா பாடல் முதல் சூப்பர் ஸ்டாரின் காலா திரைப்படம் வரை இவரது நடனம் செம ஹிட். சென்ற வருடம் நடந்த பிக் பாஸ்ஸிலும் இவரது பொய் கலக்காத உண்மை குணம் மக்கள் அனைவருக்கும் பிடித்துபோக தமிழர்களின் ஃபேவரைட் ஆனார்.
இந்நிலையில் சாண்டி மாஸ்டர் தனது இன்ஸ்டாகிராமில் புதிதாக ஒரு வீடியோவை பகிர்ந்துள்ளார். அதில் அவர் லண்டனில் நாடு ரோடில் பெரும் பனியன் லுங்கி மட்டும் அணிந்து கொண்டு செம ஜோலியாக ஆட்டம் போட்டு கொன்டே போகிறார். ரோட்டின் முனையில் போலீசை கண்டவுடன் அப்படியே ஆஃப் ஆகி லுங்கியால் முகத்தை மூடிக்கொண்டு எஸ்கேப் ஆகிவிட்டார்.
இந்த வீடியோ ரசிகர்களின் மத்தியில் பெரும் வரவேற்பை பெற்றுள்ளது. இப்பொழுது தமிழகமே கொரோனா வைரஸிற்கு அஞ்சி வீட்டுக்குள் அடைந்து கிடைக்கும் போது சாண்டியின் இந்த வீடியோ சற்று சிரிப்பை வரவழைக்கிறது என்று நெட்டிசன்கள் சாண்டியை புகழ்கின்றனர். மேலும் இந்த வீடியோ இப்பொழுது எடுக்க பட்டதா, இல்லை பழைய வீடியோவா என்று ரசிகர்கள் குழப்பத்தில் உள்ளனர்.
