தமிழ் சினிமாவில் தனக்கென மிகப் பெரிய ரசிகர் பட்டாளத்தை வைத்திருக்கும் காமெடி நடிகர் சந்தானம். இவர் நடிப்பில் ‘வடக்குப்பட்டி ராமசாமி, 80’ஸ் பில்டப்’ என இரண்டு படங்கள் லைன் அப்பில் இருக்கிறது. இதில் ’80’ஸ் பில்டப்’ படத்தை பாப்புலர் இயக்குநர்களில் ஒருவரான எஸ்.கல்யாண் இயக்கியுள்ளார்.
இந்த படத்தில் சந்தானத்துக்கு ஜோடியாக ராதிகா ப்ரீத்தி நடித்துள்ளார். மேலும், மிக முக்கிய ரோல்களில் கே.எஸ்.ரவிக்குமார், ஆனந்தராஜ், மயில்சாமி, முனிஸ்காந்த், மன்சூர் அலிகான், கூல் சுரேஷ், மனோபாலா, மொட்ட ராஜேந்திரன் ஆகியோர் நடித்துள்ளனர்.
இதனை ‘ஸ்டூடியோ கிரீன்’ நிறுவனம் சார்பில் கே.ஈ.ஞானவேல்ராஜா தயாரித்துள்ளார். இதற்கு ஜிப்ரான் இசையமைத்துள்ளார். இன்று இதன் ஸ்னீக் பீக்கை ரிலீஸ் செய்துள்ளனர். படத்தை வருகிற நவம்பர் 24-ஆம் தேதி ரிலீஸ் செய்யத் திட்டமிட்டுள்ளனர்.
