தமிழ் சினிமாவில் தனக்கென மிகப் பெரிய ரசிகர் பட்டாளத்தை வைத்திருக்கும் காமெடி நடிகர் சந்தானம். இப்போது ஹீரோவாகவும் அவதாரம் எடுத்து அடுத்தடுத்து சில படங்களில் செம பிஸியாக நடித்து வருகிறார். சந்தானத்தின் புதிய படமான ‘பிஸ்கோத்’ சமீபத்தில் தீபாவளி ஸ்பெஷலாக ரிலீஸானது. காமெடி வசனங்களில் சந்தானம் கலக்கியிருந்த இந்த படம் அவரது ரசிகர்கள் மத்தியில் நல்ல வரவேற்பை பெற்றது.
இதனைத் தொடர்ந்து சந்தானம் நடித்துள்ள புதிய படம் ‘பாரிஸ் ஜெயராஜ்’. இந்த படத்தை இயக்குநர் ஜான்சன் இயக்கியுள்ளார். இதில் ஹீரோயினாக அனைகா சொட்டி நடித்துள்ளார். மேலும், முக்கிய ரோலில் சஸ்டிகா ராஜேந்திரன் நடித்துள்ளாராம். இந்த படத்துக்கு பிரபல இசையமைப்பாளர் சந்தோஷ் நாராயணன் இசையமைத்துள்ளார்.
சமீபத்தில், இதன் ட்ரெய்லர் மற்றும் பாடல்கள் வெளியிடப்பட்டது. இந்த ட்ரெய்லர் படத்தின் மீதான எக்ஸ்பெக்டேஷன் லெவலை எகிற வைத்தது. படத்தை வருகிற பிப்ரவரி 12-ஆம் தேதி திரையரங்குகளில் ரிலீஸ் செய்ய ப்ளான் போட்டுள்ளனர். தற்போது, இந்த படத்தின் தமிழ்நாடு வெளியீட்டு உரிமையை ’11:11 புரொடக்ஷன்ஸ்’ என்ற நிறுவனம் கைப்பற்றியுள்ளதாக தகவல் கிடைத்துள்ளது.
. @iamsanthanam ‘s #PARRISJEYARAJ Tamilnadu theatrical rights bagged by 11:11 productions, Dr. Prabhu Thilaak on a huge MG royalty basis.@kumarkarupannan pic.twitter.com/wLgTtNFTtl
— Yuvraaj (@proyuvraaj) February 5, 2021
