குடும்பத்துடன் பிறந்தநாளை கொண்டாடிய சரத்குமார் – புகைப்படம்!

1986 ஆம் வருடம் தெலுங்கு படமான “சமஜம்லோ” படத்தின் மூலம் திரையுலகிற்கு அறிமுகப்படுத்தப்பட்ட நடிகர் சரத்குமார், ஆரம்ப காலத்தில் குணச்சித்திர வேடங்களில் நடித்து வந்தார்.

1980 களில் அதுவரை வில்லனாக படங்களில் அதிகமாக நடித்து வந்த சரத்குமார் 1992 ஆம் வருடத்திலிருந்து நடிகராக நடிக்க தொடங்கினார். அதுமட்டுமின்றி தனி தயாரிப்பு நிறுவனத்தையும் இயக்கி வந்தார். சூரியன், நாட்டாமை, ரகசிய போலீஸ், சூரியவம்சம், நட்புக்காக, உன்னிடத்தில் என்னை கொடுத்தேன் போன்ற வெற்றி படங்களில் நடித்து தென்னிந்திய திரையுலகில் தனக்கென தனி இடத்தை பிடித்தார்.

இவர் தமிழ், தெலுங்கு, மலையாளம், கன்னடம் ஆகிய மொழிகளில் நடித்துள்ளார். இன்றும் பல வெற்றி படங்களில் குணச்சித்திர வேடங்களில் நடித்துவரும் இந்த நடிகர், நடிகை ராதிகாவை 2001 ஆம் ஆண்டு திருமணம் செய்து கொண்டார்.

நடிகர் சரத்குமார் இன்று தனது 65வது பிறந்த நாளை கொண்டாடுகிறார். இவர் சினிமாவில் மட்டுமல்லாது அரசியலிலும் தனிக்கட்சி ஆரம்பித்து நடத்தி வந்தார் என்பது குறிப்பிடத்தக்கது.

https://twitter.com/varusarath/status/1282894656896823297?s=19

தனது மனைவி மற்றும் மகனுடன் பிறந்தநாளை கொண்டாடிய சரத்குமாரின் புகைப்படத்தை ராதிகா சரத்குமார் வெளியிட்டு அவருக்கு தனது பிறந்தநாள் வாழ்த்துக்களை தெரிவித்துள்ளார்.

இவர் தற்போது சண்முகம் முத்துசாமி இயக்கத்தில் வெளிவரவிருக்கும் “அடங்காதே” படத்தில் நடித்துள்ளார். அதுமட்டுமின்றி “பாம்பன்” என்ற படத்திலும் நடிக்கவுள்ளார்.