நடிகர் கார்த்தி தற்பொழுது சர்தார் படத்தில் நடித்து கொண்டு இருக்கிறார் . பி.எஸ்.மித்ரன் இந்த படத்தை இயக்குகிறார் .இந்த படத்தில் ராஷி கன்னா கதாநாயகியாக நடிக்கிறார் . மேலும் நடிகை லைலா நீண்ட வருடங்களுக்கு இந்த படத்தில் நடிக்கிறார் . இந்த படத்தில் கார்த்தி இரண்டு வேடங்களில் நடித்து கொண்டு இருக்கிறார் அதில் ஒன்றில் வயதான தோற்றத்தில் நடிக்கிறார் . இந்த படம் வருகின்ற தீபாவளிக்கு வெளியாக உள்ளது.
சமீபத்தில் இதன் படப்பிடிப்பு அசர்பைசான் நாட்டில் நடந்தது. இதில் சங்கி பாண்டே சம்பந்தப்பட்ட முக்கியமான காட்சிகள் படமாக்கப்பட்டது. இதுவரை படப்பிடிப்பு நடக்காத அசர்பைசான் பாராளுமன்றத்தில் படப்பிடிப்பு நடத்தப்பட்டுள்ளது. இதையடுத்து ஜார்ஜியாவிலும் படப்பிடிப்பு நடந்தது. இந்த இரு இடங்களில் நடைபெற்ற காட்சிகளுக்காக மட்டுமே ரூ.4 கோடி செலவு செய்யப்பட்டுள்ளது. இதனை தொடர்ந்து சென்னையில் விறுவிறுப்பாக படப்பிடிப்பு நடந்து முடிந்து உள்ளது .
இந்நிலையில் சர்தார் படத்தின் டப்பிங் பணிகள் தற்போது நடந்து வருகிறது . நடிகர் கார்த்தி நடித்துள்ள விருமன் படம் நாளை ( ஆகஸ்ட் 12 ) வெளியாக உள்ளது . விருமன் படத்தை விளம்பரப்படுத்த தொடர்ந்து பேட்டி அளித்து வருகிறார் . அப்போது சர்தார் படம் ஒரு ஸ்பை திரில்லர் படம் என்று தெரிவித்துள்ளார் . இந்த படத்தில் இரண்டு வேடத்தில் நடித்து இருப்பது குறிப்பிடத்தக்கது .
