தமிழ் சினிமாவின் க்யூட் நடிகைகளில் ஒருவரான சாயிஷா 2017 ஆம் ஆண்டு வெளிவந்த “வனமகன்”படத்தின் மூலம் தமிழ் திரையுலகிற்கு அறிமுகப்படுத்தப்பட்டார்.
இவர் 2015-ம் ஆண்டு தெலுங்கு படமான “அகில்” மூலம் சினிமாவிற்குள் அடியெடுத்து வைத்தார். இதைத்தொடர்ந்து 2016 ஆம் ஆண்டு “சிவே” என்ற இந்தி படத்தில் நடித்தார்.
பின் தமிழில் “வனமகன்” படத்தின் மூலம் வந்த இவர் கடைக்குட்டி சிங்கம், ஜூங்கா, கஜினிகாந்த் மற்றும் காப்பான் ஆகிய படங்களில் தற்போது நடித்துள்ளார்.
சில படங்களில் மட்டுமே நடித்திருந்தாலும் ரசிகர்களிடத்தில் தனக்கென தனி இடத்தைப் பிடித்துள்ளார். இவர் 2019ஆம் ஆண்டு நடிகர் ஆர்யாவை திருமணம் செய்து கொண்டார்.
இந்த லாக்டவுன் நாட்களில் தன் கணவர் ஆர்யாவுடன் நேரத்தை செலவிட்டு வரும் சாயிஷா அவ்வப்போது புகைப்படங்களையும் வீடியோக்களையும் தனது இன்ஸ்டாகிராமில் வெளியிட்டு வருகிறார்.
அப்படி தான் நடமாடுவது போன்று ஒரு வீடியோவை தற்போது அவர் வெளியிட்டுள்ளார். இந்த வீடியோவை வெளியிட்டு குவரண்டைனில் ஏற்படும் மன அழுத்தத்தை நான் இப்படித்தான் சமாளிக்கிறேன் என்று குறிப்பிட்டுள்ளார்.
இவர் குத்தாட்டம் போடும் இந்த வீடியோ அவரது ரசிகர்களிடையே தற்போது வைரலாகி வருகிறது.
