சினிமாவில் பாப்புலர் நடிகர்களில் ஒருவராக வலம் வருபவர் ‘ஆக்ஷன் கிங்’ அர்ஜுன். அர்ஜுனின் சினிமா கேரியர் கிராஃபில் அவரை அடுத்த லெவலுக்கு எடுத்துச் சென்ற படங்கள் ஏராளம். அதில் ரொம்பவும் முக்கியமான ஒரு படம் தான் ‘ஜென்டில் மேன்’. 1993-ஆம் ஆண்டு ரிலீஸான இந்த படத்தை இயக்குநர் ஷங்கர் இயக்க, தயாரிப்பாளர் கே.டி.குஞ்சுமோன் தயாரித்திருந்தார்.
சூப்பர் ஹிட்டான இந்த படத்தை தயாரித்த கே.டி.குஞ்சுமோன் இதுவரை தமிழில் ‘வசந்தகால பறவை, சூரியன், சிந்துநதி பூ, காதலன், காதல் தேசம், சக்தி, ரட்சகன், நிலாவே வா, என்றென்றும் காதல்’ போன்ற படங்களை தயாரித்திருக்கிறார். இவர் தமிழ் மொழியில் மட்டுமின்றி மலையாள மொழியிலும் பல வெற்றிப் படங்களை தயாரித்துள்ளார்.
தற்போது, கே.டி.குஞ்சுமோன் தனது தயாரிப்பு நிறுவனமான ‘ஜென்டில் மேன் ஃபிலிம் இண்டர்நேஷனல்’ சார்பில் தயாரிக்கும் புதிய படம் குறித்து அறிவித்துள்ளார். இந்த படத்துக்கு ‘ஜென்டில் மேன் 2’ என டைட்டில் சூட்டப்பட்டுள்ளது. இப்படம் தமிழ், தெலுங்கு, ஹிந்தி, மலையாளம் மற்றும் கன்னடம் என ஐந்து மொழிகளில் ரெடியாக உள்ளதாம். இதன் முதல் பார்ட் ஹிட்டானதால், இப்போதே பார்ட் 2-வுக்கான எக்ஸ்பெக்டேஷன் லெவல் அதிகமாக இருக்கிறது. வெகு விரைவில் இதில் யார் ஹீரோவாக நடிக்கப்போகிறார்? யார் படத்தை இயக்குவார்? என்பதை தயாரிப்பு நிறுவனமே அறிவிக்கும் என எதிர்பார்க்கப்படுகிறது.
Happy to announce the sequel for Mega blockbuster Gentleman. #Gentleman2
Produced by #GentlemanFilmInternational#ஜென்டில்மேன்2#जेंटलमैन2#ജെന്റിൽമാൻ2#ಜಂಟಲ್ಮನ್2#జెంటిల్మాన్2@johnsoncinepro @ajay_64403 @baraju_SuperHit @V4umedia_ @PRO_SVENKATESH pic.twitter.com/JiQD3wuVKq— K.T.Kunjumon (@KT_Kunjumon) September 10, 2020
